| e-texts navigator |
| Wylie |
73b1 པས།། སྐུ་ལྔ་རིགས་ལྔ་སྒོམ་པ་བྱ་མི་དགོས།། རྣམ་ཤེས་ཚོགས་བརྒྱད་སེམས་དཔའ་བརྒྱད།། དེ་ཡི་ངོ་སྤྱོད་བྱས་པ་ཡི།། ཚོགས་བརྒྱད་གནས་གྱུར་སེམས་དཔའ་སྒོམ་དུ་མེད།། ཡུལ་བརྒྱད་རང་སྣང་སེམས་མ
73b2 བརྒྱད།། སེམས་མའི་ངོ་སྤྱོད་བྱས་པ་ཡི།། གནས་འགྱུར་སེམས་མ་སྒོམ་དུ་གདོད་ནས་མེད།། ཚོགས་དྲུག་ཐུབ་པ་དྲུག་ཏུ་ངོ་སྤྲད་པས།། གནས་སུ་གྱུར་ཐུབ་པ་སྒོམ་དུ་ཡེ་ནས་མེད།། དེ་ལྟར་བསྒོམ་བྱ་སྒོམ་པའི
73b3 མཚན་ཉིད་ཀྱང་།། ཕྱིན་ཅི་ལོག་བཞི་རྟག་ཆད་མུ།། གནས་མ་བསྒྱུར་བར་ངོ་སྤྲད་པས།། སྒོམ་པ་སྒོམ་མ་སྒོམ་དུ་ཡེ་ནས་མེད།། ཕྲ་རབ་དག་གི་རྡུལ་ལ་ཡང་།། དག་པ་འཇིག་རྟེན་སྣང་བ་ཡེ་ནས་རྫོགས།། རྫོགས
73b4 པར་ཤེས་ནས་བསྐྱེད་དུ་ཡེ་ནས་མེད།། མ་ཤེས་བསྐྱེད་པས་སྤང་བླང་འདུ་འབྲལ་ཅན།། མཐར་ཐུག་རྡོ་རྗེ་སེམས་དཔའ་ཞེས་ཀྱིས་དེ་ལ་བྱ།། ཞེས་གསུངས་སོ།། ཐིག་ལེ་ཉག་གཅིག་ཡེ་ཤེས་ཟང་ཐལ་གྱི་རྒྱུད
73b5 ལས།། འབྲས་བུ་རྫོགས་པར་ངོ་སྤྲད་པ་དག་པ་འཇིག་རྟེན་པའི་སྣང་བ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་བཀའ་སྩལ་པ། ཡང་དག་ཡེ་ཤེས་སྣང་བ་བསྟན་པ་ནི།། ཕྱི་ནང་གཉིས་སུ་དབྱེར་མེད
73b6 པས།། ཡེ་ཤེས་ཟང་ཐལ་ཆེན་པོ་དུག་ལྔ་རྩི་རུ་རང་སར་གྲོལ།། སྐུ་ལྔ་རྩི་རུ་དངོས་པོ་མེད།། དབྱེར་མེད་ཡེ་ཤེས་ཟང་ཐལ་ལ།། ཕྱི་ནང་མེད་པའི་ཡེ་ཤེས་བསམ།། མ་དག་སྣང་བ་རང་རྒྱུད་པ།། རང་རྒྱུད་མཚན་མར
iiif viewer powered by OpenSeadragon
