| e-texts navigator |
| Wylie |
72b1 མེད་རྟོགས་ན་རང་གྲོལ་ཡིན།། ཚོགས་བརྒྱད་ཚོགས་དྲུག་མེད་པ་ན།། སེམས་དཔའ་སེམས་མ་ཐུབ་པ་དྲུག། སྒོ་བ་སྒོ་མར་གྲུབ་པ་ཅི་ལ་རུང་།། དེ་ལ་རང་རྒྱུད་མ་ཡི་འཁྲུལ་པ་ནི།། འགྲོ་དྲུག་རང་སོའི་མཚན་ཉིད
72b2 དབུས་གནས་སོ།། ལྔ་ལྔས་བསྐོར་བས་འཁྲུལ་འཁོར་ཞེས་སུ་བསྟན།། ཅེས་གསུངས་སོ།། ཐིག་ལེ་ཡེ་ཤེས་ཟང་ཐལ་གྱི་རྒྱུད་ལས། འགྲོ་དྲུག་རང་ས་ངོ་སྤྲད་པའི་ལེའུ་སྟེ་གསུམ་པའོ།། །། དེ་ནས་ཡང
72b3 བཀའ་སྩལ་པ། ཀྱེ་སེམས་དཔའ་ཆེན་པོ་ཉོན་ཅིག། དག་པ་འཇིག་རྟེན་འཁྲུལ་པ་རྣམ་པ་གཉིས།། ཡར་ལྡན་དག་དང་ངེས་པ་མེད་པ་ཡིས།། ལོངས་སྤྱོད་རྫོགས་པ་སྐུ་ཡི་ཞིང་ཁམས་བསྟན་པ་ཡང་།། འབྱུང་ལྔ་རང
72b4 སར་མ་འཁྲུལ་པའི།། འོད་ལྔ་དང་པོའི་དུས་ཡིན་ཏེ།། སྤྱོད་ཡུལ་དང་པོ་འཇུག་པའི་དུས་ཡིན་ཏེ།། འབྱུང་བ་ལྔ་རུ་མིང་མ་ཐོགས་པ་ཡི།། འོད་གསལ་སྣང་བ་འཇའ་ཚོན་དྲངས་པ་འདྲ།། འགྲུ་གཅོད་ཡིད་སྤྱིར་འགྲུས
72b5 པ་འདྲ།། གཞི་ཡི་ཡོན་ཏན་རྒྱ་མཚོ་དྲངས་པ་འདྲ།། སྒྱུ་མ་ལྟ་བུའི་རྡོ་རྗེ་སེམས་དཔའ་དེ།། ལ་ཀའི་མི་རེང་འདྲ་སྟེ་རྟག་པ་དཀའ།། ཆོས་ཉིད་དང་སྣང་མེ་ལོང་གཡའ་དག་འདྲ།། འཁྲུལ་སྣང་ལོངས་སྐུ་ཆུ་ཟླའི་དཀྱིལ
72b6 འཁོར་ལྟ།། གསལ་ལ་མ་འདྲེས་ཕྱི་ནང་མེད་པར་གནས།། འགྱུ་བ་ཐོགས་མེད་སྨིག་སྒྱུ་ལྟ་བུ་དང་།། སྐུ་ཡི་ཆེ་བ་མཚན་དང་ཡོན་ཏན་རྒྱས།། དེ་འདྲའི་འཁྲུལ་སྣང་ལོངས་སྤྱོད་རྫོགས་སྐུ་ཡི།། ཆེ་བའི་ཡོན་ཏན་རང
iiif viewer powered by OpenSeadragon
