| e-texts navigator |
| Wylie |
72a1 ཚོགས་རང་སྣང་ཁ་དོག་ལས།། མཐིང་ཁ་དཀར་པོ་སེར་ལེ་བརྒན།། ཡེ་ཤེས་ཆེ་བའི་རྩལ་སྣང་བས།། དུ་མ་ཡུལ་དང་འཁྲུལ་པས་ན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཁོང་ཁྲོ་ཕྲག་དོག
72a2 དང་།། གཞི་ཡི་དུས་ན་མཚན་ཉིད་འཛིན།། ལམ་གྱི་དུས་ན་དངོས་སུ་ཤར།། འབྲས་བུའི་དུས་ན་མཚན་མ་གྲོལ།། རང་གྲོལ་མ་ཤེས་སྣང་བས་སྒྲིབས།། མི་ཤེས་རྨོངས་པས་འདམ་དུ་བྱིང་།། འཁོར་བའི་ཆུ་བོས་རྟག
72a3 ཏུ་གཡེང་།། ཆུ་བོ་བཞི་ནི་རྟག་ཏུ་འབར།། དུག་སོགས་སྔོན་པོར་གྲུབ་པ་ཡིས།། རང་རང་ལྷུན་གྱིས་མཚན་ཉིད་འཛིན།། ཞེན་པ་བློ་ཡི་འཁྲུལ་པ་བརྟས།། ཉམས་ཀྱི་སྣང་བས་ལུས་སུ་བཟུང་།། ལུས་ཀྱི་མིང་ནི་འགྲོ།
72a4 དྲུག་ལུས།། གནས་ཀྱི་མིང་ནི་འཁོར་བའི་གནས།། དུར་ཁྲོད་མིང་ནི་མུ་ཁའི་དུར།། གཉིས་མེད་པ་ལ་གཉིས་འཛིན་པས།། སྒོམ་ཆེན་གྲོང་ཁ་ཡན་དུ་རྟགས།། ཁ་དྲག་ལམ་དུ་ཚོགས་པའི་ཚེ།། ཡེ་ཤེས་གསང་ལམ་མ
72a5 ཤེས་པས།། དེ་ཚེ་མ་རྟོགས་མ་རིག་རྨོངས་པ་ཡིས།། འཁོར་བ་རྣམ་པར་རྟོག་ལས་བྱུང་།། རྣམ་རྟོག་མེད་ན་སངས་རྒྱས་མིག་ཡང་མེད།། འགྲོ་དྲུག་མེད་ན་སྐུ་དྲུག་མིང་ཡང་མེད།། དུག་དྲུག་མེད་ན་ཡེ་ཤེས་ཆེན་པོ
72a6 དྲུག། ཡེ་ཤེས་བྱ་བ་མིང་ཡང་མི་ཐོགས་སོ།། ཕུང་པོ་ལྔ་པོའི་སྣང་བ་དག། མེད་ན་རིགས་ལྔའི་མིང་ཡང་མ་གྲུབ།། འབྱུང་བ་ལྔ་པོ་མེད་པ་ན།། ཡུམ་ཆེན་ལྔ་པོ་ག་ལ་གྲུབ།། བཅིངས་པ་མེད་ན་རྒྱ་ཆད་ཡིན།། ཕྱོགས
iiif viewer powered by OpenSeadragon
