| e-texts navigator |
| Wylie |
71a1 རྒྱ་གར་སྐད་དུ། ཛྙཱ་ན་ཏི་ལ་ཏནྟྲ། བོད་སྐད་དུ། ཡེ་ཤེས་ཐིག་ལེ་ཟག་ཐལ་གྱི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན།
71a2 ཤེས་ཞིང་ཁམས་དག་པའི་གནས།། སྟོན་པ་ཀུན་བཟང་རྫོགས་པའི་སྐུ།། གསང་བདག་རྡོ་རྗེ་སེམས་དཔའ་ལ།། ཡེ་ཤེས་ཟང་ཐལ་བསྟན་པ་ལ།། བཅོམ་ལྡན་འདས་ཀྱི་སྐུ་བསྟན་ཏེ།། གསང་བདག་ཆེ་ལ་བཀའ་སྩལ
71a3 པ།། གཞི་ནི་ཕྱོགས་མེད་ཆེན་པོ་ལ།། རྒྱུན་དུ་ཕྱོགས་མེད་འཆར་བའི་གཞི།། ངོ་བོ་རང་བཞིན་རོལ་པར་ཤར།། འཕྲིན་ལས་ཅིར་ཡང་ཐོགས་པ་མེད།། སྣ་ཚོགས་སྣང་ཞིང་འགྱུར་བ་མེད།། ཐོགས་མེད་འགག་པ་མེད
71a4 པ་ལས།། ཐམས་ཅད་སྣང་བའི་གཞི་མ་ཡིན།། ཞེས་གསུངས་སོ།། གསང་བའི་བདག་པོ་ཆེན་པོ་དེས།། བདེ་ཆེན་སྟན་ལས་བཞེངས་ནས་ཀྱང་།། བཅོམ་ལྡན་འདས་ལ་འདི་སྐད་ཞུས།། མ་དག་འཁྲུལ་པ་དག་པ
71a5 ཇིག་རྟེན་དང་།། ཡང་དག་ཡེ་ཤེས་སྣང་བ་གསུམ།། དེ་ཡི་གནས་ལུགས་ཇི་ལྟར་ལགས།། ངོ་སྤྱོད་སྡུད་པ་ཇི་ལྟར་ལགས།། ཡེ་ཤེས་དབྱེ་བ་བཤད་པར་ཞུ།། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ
71a6 པ།། ལེགས་པར་ཉོན་ཅིག་གསང་བདག་ཆེ།། ངས་བཤད་པ་ལ་མ་སྐྲག་ཅིག། ཅེས་གསུངས་སོ།། ཡེ་ཤེས་ཟང་ཐལ་གྱི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། བཅོམ་ལྡན་འདས་ཀྱིས་བཀའ་སྩལ
iiif viewer powered by OpenSeadragon
