| e-texts navigator |
| Wylie |
70a1 ཟང་ཐལ་མཐོང་ན་ཚོགས་དྲུག་བདེ་བ་རྒྱུན་མི་འཆད།། ཡིད་དང་ཡིད་ཀྱི་རྣམ་ཤེས་པར་ན།། རང་བྱུང་ཡེ་ཤེས་འཁོར་ལོ་གནས།། རང་བྱུང་འཁོར་ལོ་བསྐོར་ན་ཡེ་ཤེས་རྒྱུན་མི་འཆད།། ཡིད་དང་རྣམ
70a2 ཤེས་མེད་ན་རང་བྱུང་གང་ནས་བཙལ།། ཡིད་དང་རྣམ་ཤེས་རོལ་ན་གཟུང་འཛིན་རྒྱུན་མི་འཆད།། འབྲས་བུ་འགྲོ་དྲུག་འཁྱམས་ཏེ་ཐར་པའི་དུས་མི་མཆི།། སྙིང་པོ་ཡེ་ཤེས་ཟང་ཐལ་ཆོས་མིན་སྐུ།། ཐོགས་པ་མེད
70a3 པའི་ཡེ་ཤེས་མ་མཐོང་ན།། སྤྱོད་པ་མང་པོ་འབྲས་བུ་མཐར་མི་ཕྱིན།། ཅེས་གསུངས་སོ།། གསང་བ་ཡང་གཏེར་གྱི་རྒྱུད་ལས། རིག་པ་ལམ་ཁྱེར་གྱི་ལེའུ་སྟེ་དགུ་པའོ།། །། དེ་ནས་ཡང་འཕགས་པ་འོད་ཟེར
70a4 རབ་ཏུ་འཕྲོ་བས། རིག་པ་ལམ་དུ་བཀྱེར་བའི་མན་ངག། དེའི་འབྲས་བུ་བསྟན་དུ་གསོལ། ཞེས་ཞུས་པས། ཡང་བཀའ་སྩལ་པ། ཕྱི་ཡི་སྐུ་གསུམ་ནང་གི་སྐུ་གསུམ་གསང་བའི་སྐུ་གསུམ་དང་།། ཕྱི་ཡི་ཤེས་རབ་ནང
70a5 གི་ཤེས་རབ་དང་།། གསང་བའི་ཤེས་རབ་རྣམ་གསུམ་མོ།། ཕྱི་ཡི་སྐུ་གསུམ་འབྲེལ་པ་མེད།། ནང་གི་སྐུ་གསུམ་འདུས་བྱས་ཡིན།། གསང་བའི་སྐུ་གསུམ་འདུ་འབྲལ་མེད།། ཕྱི་ཡི་ཤེས་རབ་རྣམ་གསུམ་སྤྲོས་གཅོད
70a6 ཡིན།། ནང་གི་ཤེས་རབ་ཡིད་སྨོན་ཡིན།། གསང་བའི་ཤེས་རབ་རང་གྲོལ་ཡིན།། དེ་ལ་གསང་བའི་ཤེས་རབ་རྣམ་གསུམ་ལ།། ཐོགས་པ་མེད་པའི་ཤེས་རབ་ཀྱིས།། ཙིཏྟའི་ནང་དུ་ལྷག་གིས་ལྟས་པས། མྱུར་བའི
iiif viewer powered by OpenSeadragon
