| e-texts navigator |
| Wylie |
6b1 ཤེས་འཁོར་ལོ་གསང་བ་ལས།། ཡོན་ཏན་གྱི་སྣང་ཚུལ་བསྟན་པའི་ལེའུ་སྟེ་བདུན་པའོ།། །། དེ་ནས་རྡོ་རྗེ་སེམས་དཔའ།། རིག་པའི་རྒྱལ་པོ་ལ་འདི་སྐད་ཅེས་གསོལ་ཏོ།། རང་སྣང་རྣམ་དག་རྒྱལ་པོ
6b2 ཁྱོད།། མི་འགྱུར་སྐུ་ཡི་བདག་ཉིད་ཅན།། མི་འགག་གསུང་གི་རོལ་བར་ཤར།། མི་རྟོག་ཐུགས་ཀྱི་རོལ་པར་མཁྱེན།། སྐུ་གསུམ་དང་ལྡན་ཐུགས་རྗེའི་བདག། མོས་པའི་འཁོར་ཚོགས་འདུས་པ་ལ།། དམ་ཚིག་གསང
6b3 བ་བཤད་དུ་གསོལ།། ཞེས་ཞུས་པ་དང་།། རིག་པའི་རྒྱལ་པོས་བཀའ་སྩལ་པ།། རང་སྣང་ལྷུན་གྲུབ་ཆེན་པོ་ལ།། བཅོམ་མ་གྲངས་ཀྱི་དམ་ཚིག་དང་།། རང་བྱུང་སྩོལ་མེད་དམ་ཚིག་ནི།། འཁོར་བའི་མཚོ་ལས་བསྒྲལ
6b4 བའི་གྲུ།། མི་འགྱུར་རྡོ་རྗེ་ལྟ་བུ་ལ།། ཕྱི་ནང་གསང་བའི་དམ་ཚིག་མེད།། མ་བཅོས་རང་སྣང་དམ་ཚིག་ནི།། མེད་པ་འཕྱལ་པ་གཅིག་པུ་དང་།། ལྷུན་གྱིས་གྲུབ་པའི་དམ་ཚིག་གོ། འཛིན་པ་མེད་པའི་ཆོས་ཉིད
6b5 ཀྱིས།། བསྲུང་དུ་མེད་པའི་ངང་དུ་བཞག། བསྒྲུབ་མེད་རང་བྱུང་ཆེན་པོ་ལ།། བསྲུང་མེད་དམ་ཚིག་རང་གནས་ན།། ཕྱོགས་འཛིན་མེད་པའི་ངཔལ་གནས།། རང་བྱུང་མ་བཅོས་གཅིག་པུ་ལ།། ཡེ་ཤེས་རང་བྱུང་མི
6b6 འདའ་ན།། དུས་གསུམ་སངས་རྒྱས་ཐམས་ཅད་ལ།། དམ་ཚིག་འདི་ལས་མི་འདའ་བས།། ལྷུན་གྲུབ་དམ་ཚིག་ཆེན་པོ་ཡིན།། ཅེས་གསུངས་སོ།། ཡེ་ཤེས་གསང་བ་ལས།། དམ་ཚིག་གི་ལེའུ་སྟེ་བརྒྱད་པའོ།། རིག
iiif viewer powered by OpenSeadragon
