| e-texts navigator |
| Wylie |
6a1 རང་བྱུང་རྡོ་རྗེའི་དོན།། འགྱུར་མེད་ཡེ་ཤེས་རང་གྲོལ་འགྱུར།། ཞེས་གསུངས་སོ།། ཡེ་ཤེས་འཁོར་ལོ་གསང་བ་ལས།། སྤྱོད་པ་བསྟན་པའི་ལེའུ་སྟེ་དྲུག་པའོ།། །། དེ་ནས་རིག་པའི་རྒྱལ
6a2 པོ་ལ།། རྡོ་རྗེ་སེམས་དཔས་ཞུས་པ།། རྫོགས་ཆེན་ཐིག་ལེ་ཉག་གཅིག་ལ།། ཡོན་ཏན་སྣང་ཚུལ་ཇི་ལྟར་ལགས་རིག་པས་བཀའ་སྩལ་པ།། རྫོགས་ཆེན་ཐིག་ལེ་ཉག་གཅིག་ལ།། ཡོན་ཏན་སྣང་ཚུལ་བཞི་རུ
6a3 འབྱུང་།། འགྲོ་དྲུག་ཞེན་པས་སྣང་བ་དང་།། རྒྱུ་འབྲས་བློ་ཡི་སྣང་བ་དང་།། རྟོགས་ལྡན་དོན་གྱི་སྣང་བ་དང་།། ཀུན་ཏུ་འཟང་བའི་སྣང་བའོ།། ཡང་ཞུས་པ།། རྫོགས་ཆེན་དགོངས་པའི་རང་བཞིན་ལ།། ཡོན་ཏན
6a4 རྫོགས་ལུགས་བསྟན་དུ་གསོལ།། རིག་པའི་རྒྱལ་པོས་བཀའ་སྩལ་པ།། སྣ་ཚོགས་མ་ཡེངས་པ་ཡི་ངང་དུ་རྫོགས།། ཞེན་པ་མེད་པའི་ངང་ལས་འདའ་བ་མེད།། འཁོར་བ་མ་སྤངས་པ་ཡི་ངང་དུ་རྫོགས།། དོགས་པ
6a5 མེད་པས་ངང་དུ་འདའ་བ་མེད།། རྒྱུ་འབྲས་མ་སྤངས་པ་ཡི་ངང་དུ་རྫོགས།། རྟོག་པ་མེད་པས་ངང་ལས་འདའ་བ་མེད།། ཅེས་གསུངས་སོ།། ཡང་ཞུས་པ།། རྫོགས་ཆེན་ཐིག་ལེ་ཉག་གཅིག་ལ།། མཚན་ཉིད་རྣམ
6a6 གྲངས་ཇི་ལྟར་ལགས།། བཀའ་སྩལ་པ།། དེ་བཞིན་ཉིད་དུ་རྫོགས་པའི་རྫོགས་ཆེན་དང་།། ལྟ་བ་ཡོངས་སུ་རྫོགས་པའི་རྫོགས་ཆེན་ནོ།། རིམ་པ་ཚུལ་གྱིས་རྫོགས་པའི་རྫོགས་ཆེན་ནོ།། ཞེས་གསུངས་སོ།། ཡེ
iiif viewer powered by OpenSeadragon
