| e-texts navigator |
| Wylie |
69b1 ལས། རིག་པ་དང་མ་རིག་པའི་སོ་མཚམས་བསྟན་པའི་ལེའུ་སྟེ་བརྒྱད་པའོ།། །། དེ་ནས་ཡང་འོད་ཟེར་རབ་ཏུ་འཕྲོ་བས། རིག་པ་མའི་ལམ་དུ་གཟུད་པ་དང་། འབྲས་བུ་ཇི་ལྟར་ཐོབ་པ་ལགས། ཤེས་ཞུས
69b2 པས། བཀའ་སྩལ་པ། རིག་པ་འོད་གསལ་བས་འཁོར་ལོ་བསྐོར་དང་ཡེ་ཤེས་ཟང་ཐལ་འཆར།། རྒྱུས་མ་བསྐྱེད་ཅིང་རྐྱེན་ལ་རག་མ་ལུས།། ཡེ་ཤེས་ཟང་ཐལ་ཡེ་ནས་གནས་པ་ལ།། མཚན་མའི་ཡུལ་གྱིས་རྣམ་པ
69b3 སྐྱེས་པའི་ཚེ།། འོད་གསལ་དང་དུ་ཤེས་པས་མཚན་མ་སྐོར།། གཟུང་འཛིན་སྤྲོས་པ་ཆོས་ན་ཡེ་ཤེས་གསལ།། དེ་ཡང་དམར་ཁྲི་དག་ལས་ཤེས་པར་བྱ།། གསལ་བའི་ཚད་ནི་ཏིལ་གྱི་མར་མེ་འདྲ།། གཟུང་འཛིན་སྤྲོས
69b4 པ་སླར་ལ་གྲོགས་སུ་འགྲོ།། དཔེར་ན་མེ་ལ་བུད་ཤིང་བསྣན་པ་འདྲ།། དཔེར་ན་འཁོར་ལོ་གྱེན་དུ་དྲག་བསྐོར་ན།། འཁོར་ལོའི་ནང་དུ་ཆུད་པའི་སེམས་ཅན་རྣམས།། དངོས་མེད་ཐལ་བར་སོང་ནས་འཁོར་ལོའི
69b5 གྲོགས་སུ་འགྲོ།། མཚན་མ་མེད་ན་འཁོར་ལོ་ཅི་ལ་བསྐོར།། འཁོར་ལོ་བསྐོར་ནས་མཚན་མ་བརླག་པར་འགྱུར།། དེ་བཞིན་གཟུང་འཛིན་མ་སྐྱེས་འོད་གསལ་འཁོར་ལོ་ཅི་ལ་བསྐོར།། གཟུང་འཛིན་འོད་གསལ
69b6 བསྐོར་བས་འོད་གསལ་གྲོགས་སུ་གྱུར།། སྒོ་ལྔ་རྣམ་ཤེས་པར་ན་ཡེ་ཤེས་ཟང་མ་གནས།། ཡེ་ཤེས་ཟང་མ་ཡིན་པས་སངས་རྒྱས་དགོངས་པ་ཐོབ།། རྣམ་ཤེས་ཡུལ་གྱི་བར་ན་ཡེ་ཤེས་ཟང་ཐལ་གནས།། ཡེ་ཤེས
iiif viewer powered by OpenSeadragon
