| e-texts navigator |
| Wylie |
69a1 ནུས། སྨིན་པའི་རླུང་གིས་ཚོལ་ནུས། སྡུད་པའི་རླུང་གིས་ནུས། འདེག་པའི་རླུང་གིས་བསྐྱེད་ནུས། ཡོངས་ལ་ཁྱབ་པའི་རླུང་གིས་འབྲས་བུ་འབྱིན་ནུས་ཏེ། སྤྲུལ་པའི་སྐུར་སྣང་ངོ་།། བལྟམ་མོ།། དེས་ན
69a2 མ་ངེས་ཏེ། འཆི་ཞེས་བྱ་བ་འབྱུང་བའི་དུས་སུ་གཡོ་བའི་རླུང་གྲོལ་བས་འགྲོ་བའི་སྟོབས་ཤོར།། སྨིན་པའི་རླུང་གཏོར་བས་དྲོད་སྟོར། སྡུད་པའི་རླུང་ཤོར་བས་མདངས་ཤོར་དྲི་ལྡོག། འདེགས་པའི་རླུང་ཤོར་བས་མི་ངོ
69a3 ཤེས་ཏེ། ཡོངས་ལ་ཁྱབ་པའི་རླུང་གིས་འབྲས་བུ་དབྱིངས་སུ་བསྐྱལ་ལོ།། དེ་ནས་འཆི་ཞེས་བྱ་བའི་སྒྲ་བྱུང་བས། དམར་ཁྲིད་ཡང་དག་པ་འདི་དགོས་ཏེ། རིག་པ་ཞེས་བྱ་བ་ནི་ཡེ་ཤེས་ཟང་ཐལ་ངོ་ཤེས་པ་ལ
69a4 བྱའོ།། མ་རིག་པ་ཞེས་བྱ་བ་ནི་ཡེ་ཤེས་ངོ་མ་ཤེས་པ་ལ་བྱའོ།། མ་ཞེས་བྱ་བ་ནི་ཀུན་གཞིའོ།། མ་རིག་པ་ནི་ཐུགས་ཀ་ལ་གནས་སོ།། ཀུན་ཏུ་བརྟགས་པ་དང་ལྷན་ཅིག་སྐྱེས་པའི་མ་རིག་པ་གཉིས་ནི། བློ་སྒང་གཉིས
69a5 ལ་གནས་སོ།། གནས་དང་ལམ་དང་སྒོ་དང་ནི།། སྐྱོན་དང་འབྲས་བུ་ཡོན་ཏན་དག་ཏུ་བཤད།། རིག་པ་སྙིང་ན་གནས་པ་སྟེ།། ཤེས་རབ་ཅེས་སུ་རབ་ཏུ་གྲགས།། ངོ་བོ་རྩལ་དང་ལས་དང་ནི།། གནས་དང་ལམ་དང
69a6 སྒོ་དང་ནི།། ཡོན་ཏན་འབྲས་བུ་རྣམ་པ་བརྒྱད།། ཅེས་གསུངས་སོ།། ཡང་བཀའ་སྩལ་པ། དེ་རྣམས་མ་ཤེས་མ་རིག་པ།། འགྲོ་བ་འཁྲུལ་པ་རུ་སྨིག་སྒྱུ་སྙེག་པ་འདྲ།། ཞེས་གསུངས་སོ།། གསང་བ་ཡང་གཏེར་གྱི་རྒྱུད
iiif viewer powered by OpenSeadragon
