| e-texts navigator |
| Wylie |
68a1 འབྱུང་བ་ལྔ། ནང་གི་ཕུང་པོ་ལྔ་ནི་གཟུགས་ལ་སོགས་པའོ།། ཕྱིའི་གཞལ་ཡས་ཁང་ནི་ཕྱིའི་འབྱུང་བ་ལྔ། ནང་གི་གཞལ་ཡས་ཁང་དང་འོག་མིན་གནས། ཞེས་གསུངས་སོ།། གསང་བ་ཡང་གཏེར་གྱི
68a2 རྒྱུད་ལས། ཕྱི་ནང་སྣོད་བཅུད་དུ་འཁྲུལ་པའི་ལེའུ་སྟེ་དྲུག་པའོ།། །། དེ་ནས་ཡང་འོད་ཟེར་རབ་ཏུ་འཕྲོ་བས། འབྱུང་བ་ལྔ་ལ་ནི་རིག་པར་མི་སྣང་ཡང་མདངས་དང་མེ་ཏོག་འབྱུང་བ་ལ། སེམས་སུ་མི་སྣང་བ
68a3 ཇི་ལྟ་བུ་ལགས། ཕུང་པོ་ཡང་གདོས་པར་སྣང་བ་ལ། གདོས་པའི་སྒོ་ནས་མཉམ་ན་ཁྱད་ཆེ་བས་འདི་ཇི་ལྟར་ལགས། ཞེས་ཞུས་པས། ཡང་བཀའ་སྩལ་པ། ཐོག་མ་ལྷུན་གྱིས་གྲུབ་པ་དབྱེ་བ་མེད་པ་ལ། རླུང་རྣམ་པ
68a4 ལྔ་ལྷུན་གྱིས་གྲུབ་སྟེ། དཔེར་ན་ནོར་བུ་རིན་པོ་ཆེ་དང་འདྲ་སྟེ། ཐམས་ཅད་འབྱུང་བའི་གཞི་མ་དེ། རླུང་རྣམ་པ་ལྔ་ནི་སྐྱེད་པར་བྱེད་པའི་རླུང་དང་། གཡོ་བར་བྱེད་པའི་རླུང་དང་། སྨིན་པར་བྱེད་པའི་རླུང་དང་། འགག
68a5 པ་མེད་པའི་རླུང་དང་། སེལ་བའི་རླུང་ངོ་།། དེ་ཡང་རྒྱ་མ་ཆད། ཕྱོགས་སུ་མ་ལྷུང་། ལྷུན་གྱིས་གྲུབ་བོ།། དེའི་ཚེ་དེའི་དུས་ན། རྣོན་པོའི་རླུང་དང་། རྟུལ་པོའི་རླུང་དང་། འདྲེས་པའི་རླུང་དང་། མ་ནིང་གི་རླུང་དང་།
68a6 སེལ་བ་ཐུགས་རྗེའི་རླུང་དང་ལྔར་བྱུང་ངོ་།། རྣོན་པོ་རླུང་ལས་ཕོ། རྟུལ་པོ་རླུང་ལས་མོ། འདྲེས་པ་ལས་གཉིས་ཀ། མ་ནིང་ལས་མ་ནིང་སེལ་བ་ལ་གསུམ། ཐུགས་རྗེ་ལ་རྣམ་པ་དེ་ལྟར་འཁྲུལ་ལོ།། དེ་རྣོན་པོ་རླུང་ནི
iiif viewer powered by OpenSeadragon
