| e-texts navigator |
| Wylie |
67a1 འཁྲུལ།། ལྷུན་གྲུབ་སྒོ་ནས་རེག་ཏུ་བྱུང་།། ད་ལྟ་ལས་སུ་འཁྲུལ་པའོ།། ཞེས་གསུངས་སོ།། གསང་བ་ཡང་གཏེར་གྱི་རྒྱུད་ལས། བཅུད་དུ་འཁྲུལ་པ་བསྟན་པའི་ལེའུ་སྟེ་ལྔ་པའོ།། །། དེ་ནས་ཡང
67a2 འོད་ཟེར་རབ་ཏུ་འཕྲོ་བས། ཕྱིའི་སྣོད་འདི་བསྟན་དུ་གསོལ། ཞེས་གསུངས་པས། བཀའ་སྩལ་པ། ཕྱིའི་འབྱུང་བ་ལྔ་དང་། ཕྱིའི་རི་རབ་དང་། ཕྱིའི་གཞལ་ཡས་ཁང་དང་། ཕྱིའི་འདྲེ་དང་། ནང་གི་འདྲེ་དང་། ཕྱིའི་ལྷ
67a3 དང་། ནང་གི་ལྷ་དང་། ཕྱིའི་ལམ་དང་། ནང་གི་ལམ་དང་། ཕྱིའི་ཕུང་པོ་ལྔ་དང་། ནང་གི་ཕུང་པོ་ལྔ་དང་། ཕྱིའི་སྒོ་ལྔ་དང་། ནང་གི་སྒོ་ལྔ་དང་། གསང་བ་བླ་ན་མེད་པ་ཡང་གཏེར་དམར་ཁྲིད་དུ་བསྟན་པའོ།། ཞེས
67a4 གསུངས་སོ།། དབང་པོ་ཡང་རབ་དེ་དོན་གྱིས་འགྱུར་ཡང་།། བདག་གིས་མ་གོ་རྒྱས་པར་བཤད་དུ་གསོལ།། ཞེས་ཞུས་པས། ཡང་བཀའ་སྩལ་པ། ཕྱིའི་འབྱུང་བ་ལྔ་ནི། སྒོ་རྣམ་པ་ལྔ་ལས། བར་གྱི་བསྐལ་པ་ལ་འོད
67a5 ལྔ་རང་འཁྲུལ་ལོ།། ཐ་མ་འབྱུང་བ་ལྔ་རུ་འཁྲུལ་ཏེ།། རྣོན་པོའི་སྒོ་ལས་མེར་འཁྲུལ།། རྟུལ་པོའི་སྒོ་ལས་ཆུར་འཁྲུལ།། མ་ནིང་སྒོ་ལས་ནམ་མཁར་འཁྲུལ།། ལྷུན་གྲུབ་ཀྱི་སྒོ་ལས་ས་རུ་འཁྲུལ་ལོ།། ཐམས་ཅད་ཀྱི་སྒོ
67a6 ལས་རླུང་དུ་འཁྲུལ་ལོ།། ཕྱི་འབྱུང་བ་ལྔའོ།། ནང་གི་འབྱུང་བ་ལྔ་ནི། རྣོན་པོ་དྲོད། རྟུལ་པོ་ལས་ཁྲག། མ་ནིང་ལས་སེམས། ལྷུན་གྲུབ་ལས་ས། ཐམས་ཅད་ཀྱི་སྒོ་ལ་དབུགས་སུ་འཁྲུལ་ལོ།། དེ་ནས་རི་རབ་གླིང
iiif viewer powered by OpenSeadragon
