| e-texts navigator |
| Wylie |
66a1 སོ།། དེ་ངོ་མ་ཤེས་པས་ཁམས་གསུམ་དུ་འཁོར་རོ།། རྒྱུད་དྲུག་ཏུ་འཁྱམས་སོ།། འོད་ལ་སྟོང་པའི་རྒྱས་ཐེབས་ན་ལམ་ལྔ་ལས་གྲོལ་ཏེ། དང་པོ་ཀུན་ཏུ་བཟང་པོས་ལམ་མ་སྦྱངས་སོ།། འགྱུ་བ་འོད
66a2 གསལ་འཁོར་ལོ་བསྐོར་བས། སྒོམ་པའི་མིང་མ་ཐོབ་བོ།། གཞི་སྒོ་ལྔ་ངོ་ཤེས་པས་འཁྲུལ་པའི་བཞི་སད་དོ།། སྒོ་བཞི་ལ་རྒྱས་ཐེབས་སོ།། སངས་རྒྱས་སོ།། ཐམས་ཅད་མཁྱེན་པ་ཐོབ་བོ།། གསང་བ་ཡང་གཏེར་གྱི
66a3 རྒྱུད་ལས། འཁྲུལ་པ་དམར་ཁྲིད་ཀྱི་ལེའུ་སྟེ་བཞི་པའོ།། །། དེ་ནས་འོད་ཟེར་རབ་ཏུ་འཕྲོ་བས། འཁྲུལ་པའི་གདམས་ངག་བསྟན་དུ་གསོལ། ཞེས་ཞུས་པས། ཁམས་གསུམ་སྣོད་དང་བཅུད་དུ་འཁྲུལ་པ
66a4 བསྟན་པར་བྱ།། ཞེས་གསུངས་ནས། འཁྲུལ་པ་ལམ་གྱི་དུས་ན་ནི།། རང་འོད་ལྔ་འོད་དུ་མཐོང་།། མཐོང་བས་ཆགས་པ་རབ་ཏུ་སྐྱེས།། དེས་ན་འདོད་ཆགས་ཞེས་སུ་འཁྲུལ།། རིག་པ་གཞི་ལ་ལྷན་གྱིས་སོང་།། རང
66a5 སྣང་ཁ་དོག་མ་མཐོང་བས།། དེ་ལ་ཞེ་སྡང་རབ་ཏུ་འཁྲུལ།། དེས་ན་ཞེ་སྡང་ཞེས་སུ་འཁྲུལ།། གཉིས་སུ་མེད་པར་མ་ཤེས་པས།། དེས་ན་གཏི་མུག་ཅེས་སུ་འཁྲུལ།། དེ་ང་དང་ང་ཡི་མཉམ་པའི་ཡུལ་དུ་བཟུང་།། དེས
66a6 ན་ང་རྒྱལ་ཞེས་སུ་འཁྲུལ།། ང་རྒྱལ་ཆ་ལས་ཁོང་ཁྲོ་བྱུང་།། འགྱུ་བ་ཆ་ནི་ཕྲ་མོ་དེ།། གཞི་ལ་ཐིམ་ནས་འོད་མི་སྣང་།། དེ་ནས་འོད་མཐོང་ཕྲག་དོག་དག་ཏུ་འཁྲུལ།། རྣོན་པོའི་སྒོ་ལས་ཕོ་རུ་བཟུང་སྟེ་ཞེ་སྡང
iiif viewer powered by OpenSeadragon
