| e-texts navigator |
| Wylie |
65b1 ཡང་འཕགས་པ་འོད་ཟེར་རབ་ཏུ་འཕྲོ་བས། སྒོ་ལྔའི་བཤད་ཚུལ་བསྟན་དུ་གསོལ་ཅེས་ཞུས་པས། བཀའ་སྩལ་པ། རིགས་ཀྱི་བུ་ཉོན་ཅིག། སྒོ་ལྔ་དག་པོ་ལྷུན་གྲུབ་འགག་མེད་སྒོ་དེ་ནས། ལྷུན་གྲུབ་ཀྱི་རང་བཞིན
65b2 རླུང་གཡོས་པས། རྣོན་པོའི་སྒོ་རིག་པ་གསལ་ལ་རྟོག་པ་མད་འདྲ་བ་ཅིག་བྱུང་བས། དྲོད་དུ་བྱུང་བས་རིག་པ་གཅོད་ནུས་པས། གཅད་རྒྱུ་མ་རྙེད་དོ།། བར་དེར་ང་སྙམ་པ་ཅིག་སྐྱེས་སོ།། ཡིད་ཀྱིས་ཝལ་གྱིས་བྱུང
65b3 ངོ་།། བར་དེར་ཤེས་པར་འགྱུར་རོ།། འབྱུང་བ་བྱུང་སྟེ་རང་སྣང་ལ་ལྟ་ནུས་སོ།། རྣོན་པོའི་སྒོ་མ་འགགས་པས་རང་སྣང་དམར་པོར་ཤར་རོ།། རྟུལ་པོའི་སྒོ་མ་འགགས་པས་རང་སྣང་དཀར་པོར་ཤར་རོ།། ལྷུན་གྲུབ
65b4 ཀྱི་སྒོ་མ་འགགས་པས་རང་སྣང་བས་རང་སྣང་མཐིང་ཁར་ཤར་རོ།། ཐམས་ཅད་འབྱུང་བའི་སྒོ་མ་འགགས་པས་རང་སྣང་སེར་པོར་ཤར་རོ།། མ་ནིང་གི་སྒོམ་འགགས་པས་རང་སྣང་ལྗང་ཁུར་ཤར་རོ།། དེ་ཡི་དུས་སུ
65b5 རྣོ་བ་ལས་མིག་གི་དབང་པོ། ལྷུན་གྲུབ་ལས་ཡིད། རྟུལ་པོ་ལས་རྣ་བ། ལྷུན་གྲུབ་ལས་ལུས། ཐམས་ཅད་བྱུང་བ་ལས་སྟེ། མ་ནིང་ལས་ལྕེ། དབང་པོ་ལྔ་དང་ལྡན་པ་དེ་ལས། རང་སྣང་འོད་ལྔར་མཐོང་སྟེ། སྒོ་ལྔ
65b6 ལས་ནི་འདི་ལྟར་འཁྲུལ་ལོ།། གོང་དུ་ཤར་བའི་སྣང་བ་ལྔ་ལས་སྤྱོད་ནུས་སོ།། འོད་ལས་སྤྱད་པས་གཟུགས་ཁམས་སུ་སྐྱེའོ།། འགྱུ་བ་ནི་འདོད་པའི་ཁམས་སུ་གནས་སོ།། ཡིད་ནི་གཟུགས་མེད་པའི་ཁམས་སུ་གནས
iiif viewer powered by OpenSeadragon
