| e-texts navigator |
| Wylie |
63b1 གཅིག་ཏུ་གཅོད་པས་ན།། རིག་པ་འོད་གསལ་ལྟ་བ་དེ།། སྦྲུལ་སྐུ་དངོས་སུ་ཤར་བ་ཡིན།། འོད་ལ་བལྟས་པས་ཤར་བ་དེ།། ལོངས་སྐུ་དངོས་སུ་ཤར་བ་ཡིན།། ངང་དུ་ཡེ་ཤེས་ཤར་བ་དེ།། ཆོས་སྐུ་དངོས་སུ་ཤར་བ
63b2 ཡིན།། གཉིས་སྣང་མེད་པའི་ཡེ་ཤེས་དེ།། ཐིག་ལེ་ཀློང་ནས་རྡོལ་བ་ཡིན།། སྦྲུལ་སྐུ་དངོས་སུ་ཤར་ཙམ་ན།། སྤྱོད་པའི་སྒོང་རྒྱ་བྲལ་བ་ཡིན།། འོད་གསལ་དངོས་སུ་ཤར་ཙམ་ན།། སྒོམ་པའི་སྒོང་རྒྱ་སྲོལ་བ
63b3 ཡིན།། ཆོས་སྐུ་དངོས་སུ་ཤར་ཙམ་ན།། ལྟ་བའི་སྒོང་རྒྱ་སྲོལ་བ་ཡིན།། ཐིག་ལེ་དངོས་སུ་ཤར་ཙམ་ན།། འབྲས་བུའི་སྒོང་རྒྱ་སྲོལ་བ་ཡིན།། ཡང་ན་གདམས་པ་འདི་ལ་ལྟོས།། སེམས་ལ་ལྟས་པས་རྙེད་པ
63b4 དཀའ།། ཞེས་གསུངས་སོ།། རྡོ་རྗེ་མཁའ་འགྲོ་མ་ཟླ་བ་འོད་ཟེར་ཅན་གྱིས་དེ་སྐད་ཅེས་བཀའ་སྩལ་ནས། རྡོ་རྗེ་མཁའ་འགྲོ་མ་ནམ་མཁའི་གློག་མ་སྤྲིན་གྱི་གམ་དུ། གནམ་སྟོང་གི་ཉིན་མོ་ཟླ་བ་ཉའི་ཟེར་ལ་ཆིབས
63b5 ནས། རྡོ་རྗེ་མཁའ་འགྲོ་མ་གློག་འགྲུའི་གམ་དུ་གཤེགས་སོ།། རྡོ་རྗེ་མཁའ་འགྲོ་མ་དྲི་མ་མེད་རྗེས་སུ་ཡི་རང་ངོ་།། ཐིག་ལེ་གསང་བ་ཡང་གཏེར་གྱི་རྒྱུད་ལས། གདམས་པ་བསྟན་པའི་ལེའུ་སྟེ་བཅུ་གཅིག
63b6 པའོ།། །། ཐིག་ལེ་གསང་བ་ཡང་གཏེར་གྱི་རྒྱུད།། སྤྲོས་པ་སྤྱོད་པ་ཞེས་བྱ་བ་རྫོགས་སོ།། །
iiif viewer powered by OpenSeadragon