| e-texts navigator |
| Wylie |
63a1 པས། བཀའ་སྩལ་པ། སྔར་གྱི་ཐིག་ལེ་གསལ་བ་དེ།། གཉིད་ལོག་པ་ཡི་དུས་ཉིད་དུ།། གཉིད་ལས་གྲོང་ཁྱེར་བཀག་ནས་ནི།། སེང་གེ་ལྟ་བུའི་ཉལ་ཐབས་ཀྱིས།། མཛུབ་མོ་གནད་དུ་བཙུགས་ནས
63a2 ཀྱང་།། སེང་གེ་རྣམ་པར་རྩེ་བའི་ཕྱག་རྒྱ་ཞེས་སུ་བསྟན་པ་ཡིན།། རྨི་ལམ་རྣམ་པ་གསུམ་ཡིན་ཏེ།། དྲན་པ་ལྔ་པའི་རྨི་ལམ་དང་།། དེ་ཉིད་ཡེ་ཤེས་སྣང་བ་དང་།། འཁྲུལ་པ་ཆོ་འཕྲུལ་སྣང་བའོ།། དེ་ཉིད་ལོག་པའི་དུས
63a3 སུ་ཡང་།། དྲན་པ་རྒྱ་ཆེན་བསྟན་པ་ནམ་མཁའ་འདྲ།། གསལ་བ་གངས་ལ་ཉི་ཤར་འདྲ།། ཟབ་པ་རྒྱུན་མི་འཆད་པ་རྒྱ་མཚོ་དྲངས་པ་འདྲ།། ཤེས་པ་ཡུལ་དུ་བཏང་ནས་ནི།། དྲན་པ་སྨེར་རྩེ་བཞག་ཙམ་ན།། འཚེག
63a4 དང་སེམས་དང་འདར་བ་འབྱུང་།། གཉིད་མི་འོང་བའི་རྟགས་ཡིན་པས།། སྙིང་ཁར་ཏིལ་ཆེན་བསྐུམ་མཉེ་བྱ།། དེས་ཀྱང་ཁུགས་པར་མ་གྱུར་ན།། མཐིལ་བཞི་གཙུག་དང་ལྔ་རུ་བྱའོ།། དེ་ནི་ལོག་ནོན་ཅེས་སུ
63a5 བཤད།། དེ་ནས་ཡང་ནི་གོང་དང་འདྲ་བར་སྤྱོད་ལམ་བྱ།། དེ་ནས་གཉིད་ནི་ངེས་པར་འབྱུང་།། རིག་པའི་འཕོ་བ་ཤེས་པར་བྱ།། རིག་པ་འཕོས་པའི་དུས་སུ་ནི།། སྲོག་དབུས་ལུས་སེམས་བཅས་པ་ཉིད།། བཟང་པོའི
63a6 ཁྲི་ལ་ཉལ་བ་དེ།། སྤྲུལ་པའི་སྐུ་ཡི་སྣང་བ་ཡིན།། རིག་པའི་ངོས་གསལ་ལམ་དུ་འགྲོ་བ་དེ།། ལོངས་སྐུ་སྒྱུ་མའི་སྣང་བ་ཡིན།། འོད་གསལ་དང་ལས་ཡེ་ཤེས་གསལ།། ཆོས་སྐུའི་སྣང་བ་ཡིན་པར་ངེས།། དོན་ཟག
iiif viewer powered by OpenSeadragon