| e-texts navigator |
| Wylie |
62a1 པས།། ལྷ་སྒོམ་སྤྱོད་པ་འཆིང་བའི་རྒྱུ།། ཤེས་པ་རང་དུ་གྲོལ་བས་ན།། རིགས་ལྔ་ཡབ་ཡུམ་གོལ་ས་གཅད།། དག་པ་འཇིག་རྟེན་འཇིག་པས་ན།། དག་པ་འཇིག་རྟེན་པ་ཞེས་བྱ།། སྐུ་ནི་ཡེ་ཤེས་སྒྱུ་མའི
62a2 སྐུ།། ངག་དང་ཐུགས་དང་བྲལ་ཆ་རླུང་།། ཡུལ་ནི་མ་བྲིས་དཀྱིལ་འཁོར་ལ་རྟེན་ནས།། འཇིག་རྟེན་ཞེས་བྱའི་ཏིང་འཛིན་ནི།། མཁྱེན་པས་ཤེས་པ་རྒྱུ་རྐྱེན་མཚུངས།། རྒྱུ་རྐྱེན་འབྲས་བུ་འཇིག་པས་ན།། དག་པ་འཇིག
62a3 རྟེན་ཞེས་སུ་བཤད།། དཔེར་ན་འབྱུང་བཞིས་བསྐྱེད་པ་ཡིས།། དངོས་སུ་ས་གཞི་འདི་དང་འདྲ།། མ་དག་འགྲོ་བ་དྲུག་འཁོར་བས།། མ་དག་འཁྲུལ་ཞེས་དེ་ལ་བྱ།། ཡང་དག་གཉིས་པོ་དག་ལས་གྲོལ།། ཡང་དག
62a4 ཅེས་ཀྱི་དེ་ལ་བྱ།། ཐིག་ལེ་ཁ་སྦྱོར་མ་བཤད་ན།། འབྲས་བུ་མེད་པའི་སྐྱོན་དུ་འགྱུར།། ཟེར་གྱི་ཐིག་ལེ་མ་བཤད་ན།། བྱིན་རླབས་མེད་པའི་སྐྱོན་དུ་འགྱུར།། རྩལ་གྱི་ཐིག་ལེ་མ་བཤད་ན།། ཡེ་ཤེས་འགག་པའི་སྐྱོན
62a5 དུ་འགྱུར།། ཟེར་དང་རྩལ་དུ་མ་བཤད་ན།། ཡེ་ཤེས་ཐུགས་རྗེ་རྒྱུན་ཆད་འགྱུར།། དབྱེར་མེད་རང་གྲོལ་མ་བཤད་ན།། ཕྱིས་ཀྱང་འཁོར་བའི་སྐྱོན་དུ་འགྱུར།། དཔེ་ཡང་པ་འདྲའི་ས་བོན་འདྲ།། ཞེས་གསུངས
62a6 སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། རྩལ་གྱི་ཐིག་ལེ་བསྟན་པའི་ལེའུ་སྟེ་དགུ་པའོ།། །། ཡང་བཀའ་སྩལ་པ། ཉམས་ལེན་གདམས་པ་བསྟན་དུ་གསོལ།། ཞེས་ཞུས་པས། བཀའ་སྩལ་པ།
iiif viewer powered by OpenSeadragon