| e-texts navigator |
| Wylie |
61b1 རིག་པའི་ཡེ་ཤེས་ཡིན།། ཡེ་ཤེས་ལྔ་དྲུག་གང་འདོད་པ།། དེ་ནི་གྲངས་ཀྱི་གོལ་ས་ཡིན།། ལྷག་མཐོང་སྤྲུལ་པའི་སྐུ་རྒྱུད་བཤད།། རིག་པ་རྩེ་གཅིག་ཟང་ཐལ་ལོ།། ཡེ་ནི་ཡེ་ཤེས་ལྔར་མ་གྲུབ།། ཤེས་པ་རྩ་གཅིག་ཡིན
61b2 པས་ན།། གྲངས་ཀྱི་གོལ་སའི་འཁྲུལ་པ་གྲོལ།། དཔེར་ན་དུག་སྦྲུལ་མདུད་པ་དེ།། མདུད་པ་མང་ཡང་རང་གིས་ཤིགས།། རག་གི་མདུད་པ་གྲོལ་ཙམ་ན།། སྦྲུལ་གྱི་ངོ་བོ་ཟངས་མར་སྣང་།། མདུད་པའི་གྲངས་ལས
61b3 གྲོལ་བའོ།། ཡེ་ཤེས་ལྔ་པོར་རིག་པས་བཏགས།། དུག་ལྔ་འདོགས་པ་མ་རིག་པ།། གཉིས་མེད་ལྷག་མཐོང་རང་ཤར་བས།། གྲངས་ཀྱི་གོལ་སའི་རྟོག་པ་མེད།། དེས་ན་ཟེར་གྱི་ཐིག་ལེ་དེ།། སྤྲུལ་པའི་སྐུ་རུ་བསྟན
61b4 པའོ།། ཞེས་གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ཟེར་གྱི་ཐིག་ལེ་བསྟན་པའི་ལེའུ་སྟེ་བརྒྱད་པའོ།། །། ཡང་བཀའ་སྩལ་པ། རྩལ་གྱི་ཐིག་ལེ་བསྟན་པ་ནི།། རང་བྱུང་ཡེ་ཤེས་བསྟན་པ
61b5 ཡིན།། ཡབ་ཡུམ་ཁ་སྦྱོར་རང་བྱུང་ཡིན།། ལོངས་སྐུའི་ངོ་སྤྱོད་བསྟན་པར་བྱ།། རང་ནི་རྒྱལ་བ་ཡབ་ལྔའོ།། རྒྱལ་བ་ཡབ་ལྔ་རིགས་ལྔར་ཤར།། ཡུམ་ལྔ་རང་ལས་བྱུང་བས་ན།། རང་བྱུང་ཞེས་ནི་དེ་ལ་བྱ།། ཡེ་ནི
61b6 གཉིས་སུ་མེད་པའོ།། ཤེས་པ་རང་དུ་གྲོལ་བས་ན།། རང་ནི་སྤྱོད་པའི་མཆོག་ཏུ་བཤད།། བྱུང་ནི་གོམ་པ་ཆེན་པོ་ཡིན།། ཡེ་ནི་འབྲས་བུ་ཁོ་ན་ལ།། ཤེས་པ་ལྟ་བའི་དབྱིངས་སུ་བསྟན།། རང་བྱུང་ཡེ་ཤེས་གཉིས་མེད
iiif viewer powered by OpenSeadragon