| e-texts navigator |
| Wylie |
61a1 འབྱུང་བ་ལྔ།། རིགས་ལྔ་ཡབ་ཡུམ་ལྔ་རུ་གྲགས།། རྡོ་རྗེ་ཕུང་པོའི་ཡན་ལག་ནི།། རྫོགས་པའི་སངས་རྒྱས་ལྔ་རུ་སྣང་།། ས་ཆུ་ལ་སོགས་འབྱུང་ལྔ་ནི།། སྤྱན་མ་ལ་སོགས་ཡུམ་དུ་གྲུབ།། ཅེས་གསུངས
61a2 སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ཐིག་ལེ་ཁ་སྦྱོར་གྱི་ལེའུ་སྟེ་དྲུག་པའོ།། །། ཡང་བཀའ་སྩལ་པ། དག་པ་འཇིག་རྟེན་སྣང་བ་དེ་ལགས་ན།། ཡང་དག་ཡེ་ཤེས་སྣང་བ་བཤད་དུ་གསོལ།། ཞེས
61a3 ཞུས་པས། བཀའ་སྩལ་པ། ཡང་དག་ཡེ་ཤེས་སྣང་བ་བསྟན་པ་ནི།། ཀུན་བཟང་གཞི་ཡི་ཐིག་ལེ་དེ།། ཆོས་སྐུའི་ཞིང་ཁམས་གནས་ལུགས་ཡིན།། ཀུན་ཏུ་བཟང་མོའི་ཐིག་ལེ་དེ།། ཡེ་ཤེས་བརྡལ་ཁྱབ་ཆེན་པོ
61a4 ཡིན།། རྡོ་རྗེ་སེམས་དཔའི་ཐིག་ལེ་ནི།། རིག་པ་ཡེ་ཤེས་ཞེས་སུ་བཤད།། ལྟ་བ་ཀུན་ཏུ་བཟང་མོར་བསྟན།། སྒོམ་པ་ཀུན་ཏུ་བཟང་པོར་བསྟན།། སྤྱོད་པ་རྡོ་རྗེ་སེམས་དཔར་བསྟན།། འབྲས་བུ་ཐིག་ལེ་ཁ་སྦྱོར
61a5 བསྟན།། རིག་པ་རྡོ་རྗེ་སེམས་དཔའ་ཡིན།། ཡེ་ནི་ཀུན་ཏུ་བཟང་པོ་ཡིན།། ཤེས་ནི་ཀུན་ཏུ་བཟང་མོར་བཤད།། དེ་གསུམ་ངང་ལ་ཤར་ཙམ་ན།། ལྷ་སྒོམ་སྤྱོད་པ་གང་འདོད་པ།། དེ་ནི་བསམ་པ་ཡིད་སྨོན་ཡིན།། ཞེས
61a6 གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ཐིག་ལེ་རང་བརྡོལ་བསྟན་པའི་ལེའུ་སྟེ་བདུན་པའོ།། །། ཡང་བཀའ་སྩལ་པ། ཟེར་གྱི་ཀུན་ཏུ་བཟང་མོ་ནི།། ཡེ་ཤེས་ལྔ་ཡི་ངོ་བོ་དེ།། ལྷག་མཐོང
iiif viewer powered by OpenSeadragon