| e-texts navigator |
| Wylie |
60b1 གསང་བ་ཡང་གཏེར་གྱི་རྒྱུད་ལས།། ཟེར་གྱི་ཐིག་ལེའི་ལེའུ་སྟེ་བཞི་པའོ།། །། ཡང་བཀའ་སྩལ་པ། རྩལ་གྱི་ཐིག་ལེ་བསྟན་པར་བྱ།། རྩལ་གྱི་ཐིག་ལེ་གཉིས་ཡིན་ཏེ།། དབྱིངས་དང་ཡེ་ཤེས་གཉིས་ཀྱི
60b2 རྩལ།། དབྱིངས་དང་ཡེ་ཤེས་གཉིས་ཀྱི་རྩལ་དུ་བསྟན་པ་ནི།། འོད་ལྔའི་རྣམ་པར་འཁྲུལ་པ་ལས།། འབྱུང་བ་ལྔ་སོགས་འགྲོ་དྲུག་རྣམས།། རང་སྣང་ཡུལ་དུ་ཐམས་ཅད་འཁྲུལ།། ཞེས་གསུངས་སོ།། ཡེ་ཤེས་རྩལ་དེ
60b3 བསྟན་པ་ནི།། གོང་གི་འདོད་ཡོན་ཆགས་སྡང་ལ།། ལུས་དང་སེམས་སུ་འཁྲུལ་པ་ན།། སྲེད་ལེན་གཉིས་ཀྱི་རྒྱུ་རྐྱེན་ལས།། མ་རིག་དབང་གིས་སྨན་ལ་སྦྱར།། འགྲོ་དྲུག་གཟུགས་དང་ཡིད་ལ་སོགས།། རྩལ་གྱི་ཐིག
60b4 ལེར་བཤད་པ་ཡིན།། ཞེས་གསུངས་སོ།། ཐིག་ལེ་གསང་བ་ཡང་གཏེར་གྱི་རྒྱུད་ལས། ཐིག་ལེ་ཁ་སྦྱོར་ཡ་བྲལ་གྱི་ལེའུ་སྟེ་ལྔ་པའོ།། །། ཡང་བཀའ་སྩལ་པ། མ་དག་འཁྲུལ་པ་དེ་ལགས་ན།། དག་པ་འཇིག
60b5 རྟེན་ཐིག་ལེ་བཤད་དུ་གསོལ།། ཞེས་ཞུས་པས། བཀའ་སྩལ་པ། ཀུན་ཏུ་བཟང་པོའི་ཐིག་ལེ་དང་།། ཀུན་ཏུ་བཟང་མོའི་ཐིག་ལེ་དང་།། གཉིས་མེད་ཡེ་ཤེས་ཐིག་ལེ་གསུམ། ཕྲ་མ་མཁན་དེ་རྡོ་རྗེ་སེམས།། ཡབ་ཡུམ
60b6 སྲས་དང་གསུམ་དུ་ཤར།། རྩལ་གྱི་ཐིག་ལེ་བསྟན་པ་ནི།། བཟང་མོའི་ཟེར་ལས་འོད་ལྔ་ཤར།། བཟང་པོའི་ཟེར་དུ་ཡེ་ཤེས་ལྔ།། བཟང་མོའི་ཟེར་དུ་སྤྱན་སོགས་ལྔ།། བཟང་པོའི་རྩལ་དུ་རིགས་ལྔའོ།། ཕུང་པོ་ལྔ་དང
iiif viewer powered by OpenSeadragon