| e-texts navigator |
| Wylie |
5b1 དུ་མེད་པའི་ཆོས་ཉིད་ལ།། སྒྲ་ཚིག་ཞེན་པའི་ཡུལ་ལས་སྡོག། ཅེས་གསུངས་སོ།། ཡེ་ཤེས་འཁོར་ལོ་གསང་བ་ལས།། ཏིང་ངེ་འཛིན་རང་གནས་ཀྱི་ལེའུ་སྟེ་ལྔ་པའོ།། །། དེ་ནས་རང་རིག་པའི་རྒྱལ
5b2 པོས།། རྣམ་དག་ཞེན་མེད་ཀྱི་སྤྱོད་པ་འདི་བཀའ་སྩལ་ཏོ།། ནམ་མཁའ་རྡོ་རྗེའི་སྦྱོར་བ་འདི།། སྦྱོར་བཞི་མ་ཆགས་སྤྱོད་པའི་མཆོག། རང་བཞིན་ཡེ་ཤེས་སྦྱོར་བ་ལ།། སྒོ་གསུམ་ཡངས་པའི་ལྷུག་པ་ཉིད།། སྤྱོད་པ་བླང
5b3 དོར་གཉིས་མེད་དང་།། པདྨ་འདམ་ན་གནས་བཞིན་དུ།། འདམ་གྱི་སྐྱོན་གྱིས་གོས་པ་མེད།། སྣ་ཚོགས་སྣང་བར་སྤྱོད་མེད་ཀྱིས།། སྣང་བའི་སྐྱོན་གྱིས་གོས་པ་མེད།། སྩོལ་མེད་རང་གནས་རྟོགས་པའི་ཀློང་།། རྒྱུ
5b4 འབྲས་ལྟོས་པའི་སྩོལ་བ་མེད།། ཉི་མའི་འོད་ལྟར་ཀུན་ཏུ་ཁྱབ།། ཁྱབ་བདག་ལྷུན་གྲུབ་ཡེ་བདལ་ལ།། ཞེན་མེད་ཚུལ་གྱི་འཇུག་ན་བདེ།། ཀུན་གསལ་ཆོས་ཉིད་དོན་རྟོགས་པས།། རྣ་བརྒྱུད་སྒྲ་ལ་རག་མ་ལུས།། སྐུ
5b5 གསུམ་རྟོགས་པའི་དོན་ལྡན་ན།། ཐུགས་རྗེ་རིན་ཆེན་བཞིན་དུ་འབྱུང་།། རང་བྱུང་གཅིག་ལས་མ་གཡོས་ཀྱང་།། རིམ་སྩོལ་རྒྱུ་འབྲས་ཐེག་པ་རྣམས།། དྲང་དོན་མཐུན་པའི་ཐབས་སུ་བསྟན།། རང་བྱུང་ཡེ་ཤེས་རྟོགས
5b6 པའི་ལྷ།། འཛབ་དང་བསྙེད་པ་དབུལ་མི་དགོས།། མཐའ་དབུས་མེད་པའི་སྙིང་པོ་ལ།། གཟུང་འཛིན་འཁྲུལ་པ་ངང་གིས་དག། སྦྲུལ་གྱིས་འདུད་པ་རང་གྲོལ་བཞིན།། མཚན་མ་སྣ་ཚོགས་རང་གྲོལ་འགྱུར།། མི་རྟོག
iiif viewer powered by OpenSeadragon
