| e-texts navigator |
| Wylie |
5a1 གསུང་སོ།། ཡེ་ཤེས་འཁོར་ལོ་གསང་བ་ལས།། ལྟ་བའི་ལེའུ་སྟེ་བཞི་པའོ།། །། དེ་ནས་རིག་པའི་རྒྱལ་པོས།། རྡོ་རྗེ་སེམས་དཔའ་ལ་ཏིང་ངེ་འཛིན་རང་གནས་འདི་གསུངས་སོ།། སྩོལ་མེད་རང་སྣང་མ
5a2 བཅོས་པས།། ཡེ་ཤེས་ལྷུན་གྲུབ་རང་བཞིན་གནས།། དགོངས་པ་མ་བཅོས་རང་སོ་ལ།། སྣ་ཚོགས་སྣང་སྟེ་ཞེན་པ་མེད།། སྒོམ་མེད་དོན་ལ་བློ་བཞག་མེད།། རང་བྱུང་རྟོག་མེད་མཉམ་ཉིད་ལ།། ཞེན་པའི་སྒྲོ་སྐུར་དང
5a3 གིས་མེད།། བློས་གཞན་སྒོམ་པས་གྲོལ་འདོད་པ།། འཛིན་སེམས་དག་གིས་ལྕགས་སྒྲོལ་འདྲ།། ཆོས་ཉིད་ཟང་མ་ཐག་བྱུང་ལ།། རང་བྱུང་ཡེ་ཤེས་མཉམ་ཉིད་ཐུགས།། བཅོམ་མེད་རྩོལ་བྲལ་རང་བྱུང་གསལ།། རྣམ
5a4 རྟོག་འཛིན་པ་ཅི་བྱུང་ཡང་།། རང་བཞག་བསམ་བྲལ་ཉིད་དུ་བདེ།། རྣམ་པར་རྟོག་པ་རྒྱུ་བ་ཡང་།། སེམས་ཀྱི་སྒོ་བཅད་དང་དུ་ཤེས།། རིག་པ་དུས་གསུམ་རྒྱུན་ཆད་མེད།། འབབ་ཆུ་རྒྱུན་གྱི་དཔེ་ཡིས་བསྟན།། དེ
5a5 ཡིད་རྟོགས་པའི་དོན་བྲལ་ན།། མ་བྲལ་རང་གནས་དགོངས་པར་གནས།། སྙིང་པོ་མཉམ་ཉིད་ངོ་བོ་ནི།། དབང་སྒྱུར་རྒྱལ་བའི་ཐུགས་དང་མཉམ།། འདོད་པའི་ཚོགས་ལ་ཡིད་མི་འཇུག། རྫོགས་པའི་དགོངས་པ་རྣམ
5a6 དག་ལ།། དུས་གསུམ་འདའ་མེད་བླང་དོར་མེད།། བསམ་མེད་འཛིན་མེད་ཏིང་འཛིན་རྐྱེན་ལས་གྲོལ།། མ་གཡོས་མ་བཅོམ་ཉིད་དུ་བདེ།། སྣང་བ་མེད་པའི་ཆོས་ཉིད་ནི།། བཙལ་མེད་རང་སོ་ཉིད་དུ་བདེ།། བརྗོད
iiif viewer powered by OpenSeadragon
