| e-texts navigator |
| Wylie |
59b1 མཁའ་འགྲོ་ཟླ་བའི་འོད་ཟེར་ཅན་ལ། ཀྱེ་ཀྱེ་རྡོ་རྗེ་མཁའ་འགྲོ་མ།། བདག་ཅག་མཁའ་འགྲོའི་ཚོགས་རྣམས་ལ།། ཐིག་ལེ་ཁ་སྦྱོར་བཤད་དུ་གསོལ།། ཞེས་ཞུས་པས། རྡོ་རྗེ་མཁའ་འགྲོ་མས་བཀའ་སྩལ་པ། ཉོན་ཅིག
59b2 རྡོ་རྗེ་དྲི་མ་མེད།། ཐིག་ལེ་ཁ་སྦྱོར་བཤད་པར་བྱ།། ཐོག་མ་མེད་པའི་དུས་ཉིད་ན།། སངས་རྒྱས་སེམས་ཅན་མིང་མེད་པའི།། འཁོར་འདས་གཉིས་ཀྱི་གཞི་མ་དེ།། མིང་དང་ཚིག་ལས་འདས་པ་ཡིན།། སངས་རྒྱས་བྱ།
59b3 བའི་མིང་ཡང་མེད།། སེམས་ཅན་འཁྲུལ་པའི་འབྲས་བུ་མེད།། ཆོས་ཉིད་མ་བུ་ཕྲད་པ་མེད།། གྲོལ་དང་མ་གྲོལ་གཉིས་སུ་མེད།། དག་དང་མ་དག་ལ་སོགས་ཏེ།། ཕྱི་ནང་སྣོད་བཅུད་མིང་ཡང་མེད།། འཁོར་འདས
59b4 འབྲས་བུ་གཉིས་མ་གྲུབ།། ཤེས་དང་ཤེས་བྱའི་ཡུལ་ལས་འདས།། འབྱུང་བ་ཆེན་པོ་རྒྱུ་ཡི་གཞི།། ཐམས་ཅད་སྤྲུལ་པའི་གཞི་མ་དེ།། སྤྱི་ས་ཆེན་པོ་དེ་ཡིན་ནོ།། ཞེས་གསུངས་སོ།། ཐིག་ལེ་གསང་བ་ཡང་གཏེར་གྱི
59b5 རྒྱུད་ལས།། གཞི་ས་བསྟན་པའི་ལེའུ་སྟེ་གཉིས་པའོ།། །། ཡང་དྲི་མ་མེད་ཀྱིས་ཞུས་པས། གཉིས་སུ་སྣང་བ་ཇི་ལྟ་བུ།། ཕྱི་ནང་སྣོད་བཅུད་ཇི་ལྟར་ལགས།། གཉིས་སུ་མེད་པའི་དོན་དེ་ལ།། གཉིས་སུ་འཁྲུལ་པ
59b6 ཇི་ལྟར་ལགས།། ཞེས་ཞུས་པས། དཔེར་ན་ཆོས་ཉིད་ནམ་མཁའ་ལ།། སྤྲིན་དང་ཁུ་རླངས་འཇའ་ཚོན་དང་།། ཉི་ཟླ་གཟའ་སྐར་ལྷུན་གྱིས་གྲུབ།། རྒྱུ་ལས་རྒྱུ་འཕྲུལ་བྱེད་པ་མིན།། དཔེ་དེ་བཞིན་དུ།། ལྷུན་གྲུབ་ཐིག
iiif viewer powered by OpenSeadragon