| e-texts navigator |
| Wylie |
58b1 དེ།། ཆོས་ཀྱི་སྐུ་ཡི་རིག་པ་ཡིན།། ཐམས་ཅད་གཏན་ལ་འབེབས་པས་ན།། རིག་པའི་མཆོག་ཏུ་དེ་བཤད་དོ།། དེ་དོན་ཐུགས་ལ་གང་གནས་པ།། ལུང་གི་རྒྱལ་པོ་དེ་བཤད་དོ།། གགས་ཀྱི་གདམས་ངག་བསྟན་པ
58b2 ནི།། ཡིན་ལུགས་མ་རྟོགས་སེམས་འཛིན་གེགས།། ཁྱེར་ཀ་མ་ཤེས་སྒོམ་པའི་གེགས།། ཟང་ཐལ་མ་ཤར་ལྟ་བའི་གེགས།། ཆོས་མིན་མ་ཤར་འབྲས་བུའི་གེགས།། རང་བཞིན་གཅིག་ཏུ་གྲོལ་གྱུར་ན།། གགས་ཐར་ཡེ
58b3 ཤེས་ཀློང་དུ་གྲོལ།། ཐམས་ཅད་རང་སར་གྲོལ་ཙམ་ན།། ཐིག་ལེ་ཕྱི་ནང་མེད་པ་ཡིན།། ཐམས་ཅད་ལམ་དུ་ཀློང་ཙམ་ན།། ཡེ་ཤེས་ཁོང་ནས་ཤར་བ་ཡིན།། མཚན་མ་རང་གྲོལ་སྤྱོད་པ་ཡིན།། ཞེས་གསུངས་སོ།། ཡེ
58b4 ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས། རིག་པ་དང་ལུང་གགས་མཚོན་པའི་ལེའུ་སྟེ་ཉེར་གཉིས་པའོ།། །། དེ་ནས་བཅོམ་ལྡན་འདས་ཀུན་ཏུ་བཟང་པོས། རྡོ་རྗེ་སེམས་དཔའ་བཀའ་སྩལ་པ། ངས
58b5 བཤད་པ་ཡི་རྒྱུད་ཆེན་འདི།། ཡེ་ཤེས་གཏིང་རྫོགས་དག་གི་རྒྱུད།། ཐམས་ཅད་རང་གྲོལ་སྟོན་པས་ན།། མཚན་མ་རང་གྲོལ་རྒྱུད་དུ་ཟུང་།། ཡེ་ཤེས་ཟང་ཐལ་སྟོན་པས་ན།། ཡེ་ཤེས་ཁོང་འཆར་རྒྱུད་དུ་ཟུང་།། ཐམས
58b6 ཅད་ཐིག་ལེ་ཆོས་མིན་ཀློང་དུ་སྟོན།། ལྷུན་གྲུབ་རང་གྲོལ་རྒྱུད་དུ་ཟུང་།། ཞེས་གསུངས་སོ།། ཞུ་བ་པོ་རྡོ་རྗེ་སེམས་དཔས་ཞུས་པ། སྡུད་པ་པོ་དགའ་རབ་རྡོ་རྗེས་བསྡུས་པའོ།། ཡེ་ཤེས་འཁོར་ལོ་གཏིང་རྫོགས་ཆེན
iiif viewer powered by OpenSeadragon
