| e-texts navigator |
| Wylie |
58a1 ཡིན།། རྩ་ཡི་རྒྱལ་པོ་ཤེལ་གྱི་སྦུ་གུ་ཡིན།། རྟགས་ཀྱི་རྒྱལ་པོ་སྐུ་གསུམ་ཐུག་ཕྲད་ཡིན།། ཡིད་ཆེས་རྒྱལ་པོ་འགྱུ་བ་དངས་སངས་ཡིན།། འབྲས་བུའི་རྒྱལ་པོ་ཐིག་ལེ་ཆོས་མིན་ཡིན།། སངས་རྒྱས་རྒྱལ
58a2 པོ་སྐུ་གསུམ་རང་གྲོལ་ཡིན།། ཐུགས་རྗེའི་རྒྱལ་པོ་སྐུ་གསུམ་རང་སྣང་ཡིན།། བྱིན་རླབས་རྒྱལ་པོ་ཕྱོགས་མེད་རང་ཤར་ཡིན།། གནད་ཀྱི་གདམས་པ་ཐིག་ལེ་གདུང་བ་ཡིན།། སྤྱན་གྱི་དམ་པ་བླ་མེད་འགྱུ
58a3 བའི་སྤྱན།། འགྱུ་བའི་སྤྱན་ལ་ངོ་སྤྲད་ན།། ལོངས་སྐུའི་སྣང་བ་དངོས་སུ་ཝ་ལེ་གསལ།། ཐིག་ལེ་ཉག་གཅིག་རྒྱས་གདབ་གཅེས།། བར་མཚམས་མེད་ན་ཟང་ཐལ་ཡིན།། ཁྱེར་ཁ་སྟོན་ན་འགྱུ་བའི་ངོ་སྤྲོད
58a4 གཅེས།། གཅོད་པའི་ཡིད་དང་ཤེས་རབ་ཆེན་པོ་གཉིས།། བར་ན་ཁྱེར་ཀ་གཅིག་ལས་མེད།། མེད་པར་ཤེས་ན་སངས་རྒྱས་ངོ་སྤྱོད་ཡིན།། བར་དོ་བྱ་བ་བློ་ཡིན་བླངས་པ་ཡིན།། བློ་ལས་གྲོལ་ན་བར་དོའི་མིང་ཡང
58a5 མེད།། ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། ལམ་དང་འབྲས་བུ་ཐུགས་རྗེས་མཚོན་པའི་ལེའུ་སྟེ་རྩ་གཅིག་པའོ།། །། དེ་ནས་ཡང་བཀའ་སྩལ་པ།། སེམས་དཔའ་ཆེན་པོ
58a6 ཉོན་ཅིག། འགྱུ་བ་ཁོང་དུ་ཁྲོལ་ཙམ་ན།། འགྱུ་བ་བུན་གྱིས་སོང་བའི་དུས།། དེ་དུས་སྦྲུལ་སྐུའི་རིག་པ་ཡིན།། འགྱུ་བ་འོད་གསལ་ཤར་བ་དེ།། ལོངས་སྤྱོད་རྫོགས་སྐུའི་རིག་པ་ཡིན།། འོད་ལས་འདས་པའི་ཟང་ཐལ
iiif viewer powered by OpenSeadragon
