| e-texts navigator |
| Wylie |
57b1 པས།། རལ་གྲི་ཁ་མངས་ལྟ་བུའི་དཔེ།། སྦྲུལ་སྐུ་ཐུག་ཕྲད་དབང་ཡང་ཐོབ།། ཡེ་ཤེས་རྩལ་གྱི་དབང་བསྐུར་བས།། མཚན་མར་རང་སར་གྲོལ་བའི་ཕྱིར།། ཁྱུང་ཆེན་སྒོང་རྒྱ་ཚོགས་པ་འདྲ།། རྩོལ་བ་མེད་པར་མཁའ
57b2 ལ་ལྡིང་།། རྒྱལ་ཐབས་སྤྱི་བླུགས་དབང་བསྐུར་བས།། མཚན་མ་རིག་པའི་ཡེ་ཤེས་ལ།། རྒྱས་འདེབས་ཕྱི་ནང་མེད་པའི་དབང་ཐོབ་པས།། ཕྱི་ནང་དབང་བསྐུར་ཐམས་ཅད་འདུས།། ཡེ་ཤེས་ཐོག་བབས་དབང་བསྐུར
57b3 བས།། རྣམ་རྟོག་སྐྱེས་པའི་དུས་ཉིད་ན།། ཡེ་ཤེས་ཟང་ཐལ་ཕྱོགས་མེད་ཤར།། ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། དབང་ཐམས་ཅད་ཡེ་ནས་གཞི་ལ་གྲུབ་པའི་ལེའུ་སྟེ་ཉི་ཤུ
57b4 པའོ།། །། དེ་ནས་ཡང་གསུངས་པ། སེམས་དཔའ་ཆེན་པོ་ཉོན་ཅིག། ལམ་གྱི་གདམས་ངག་ཡེ་ཤེས་ངོས་བཟུང་བསྟན་པ་ནི།། འཁོར་བའི་རྩ་བ་མ་རིག་པ།། ཆགས་སྡང་ལྔ་ཡི་ལོ་མ་ཅན།། ཉོན་མོངས་བརྒྱད
57b5 ཁྲི་བཞི་སྟོང་སྤྲིན།། ཐིག་ལེ་རྩ་བ་རང་སྒོ་རིག་པའི་མཆོག། ཡེ་ཤེས་ལྔ་ཡི་ལོ་འདབ་རྒྱས།། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་སྨིན།། དེ་གཉིས་བར་ན་འབྲེལ་བ་ཟམ་མ་ཆད།། བློ་དངོས་གཉིས་ཀྱི་བར་ན་གཅོད་བྱེད
57b6 གནས།། ཉམས་ཀྱི་རྒྱལ་པོ་ཚོགས་དྲུག་ལྷུག་པ་ཡིན།། ཡེ་ཤེས་རྒྱལ་པོ་ཟང་ཐལ་ཡིན།། ཐེག་པའི་རྒྱལ་པོ་ཐིག་ལེ་ཡེ་བརྡལ་ཡིན།། ལམ་གྱི་རྒྱལ་པོ་འགྱུ་བ་ལམ་ཁྱེར་ཡིན།། སྔགས་ཀྱི་རྒྱལ་པོ་ཐིག་ལེ་སྟོང་པ
iiif viewer powered by OpenSeadragon
