| e-texts navigator |
| Wylie |
57a1 ཡིན།། གཟུགས་ཅན་གཟུགས་ནི་ཉམས་སུ་ལེན།། བདེ་ནི་གོལ་ས་རབ་ཏུ་ཆེ།། གོལ་སྒྲིབ་འབྲས་བུ་བསྟན་པ་ནི།། ཡིད་ལུས་འོད་ལུས་གཉིས་སུ་སྐྱེ།། དེས་ན་འབྲས་བུའི་ལ་ཤན་དང་།། ཉམས་ཀྱི་ལ
57a2 ཤན་རབ་ཏུ་གཅེས།། ལ་ཟླའི་མཚན་ཉིད་བསྟན་པ་ནི།། ཐིག་ལེ་བློ་ལས་འདས་པ་ཡི།། མཚན་མ་རང་གྲོལ་ཕྱོགས་མེད་ལ།། ཕྱོགས་སུ་འཛིན་པ་གོལ་བ་ཡིན།། དེ་ཉིད་མ་ཤེས་སྒྲིབ་པ་ཡིན།། ཡེ་ནས་ཟང་ཐལ་གཞི
57a3 མ་དེ།། རང་གྲོལ་མུན་མཐའ་ལས་འདས་པ།། དེ་ནི་ཡེ་ཤེས་ཕྱོགས་མེད་ཡིན།། གོལ་དང་སྒྲིབ་པ་རང་སར་གྲོལ།། དེ་ཉིད་སླར་ལ་གྲོགས་སུ་ཤར།། ཕྱི་ནང་མེད་པས་མན་ཤེལ་འདྲ།། དཔེ་ཟླ་མེད་པས་ནོར་བུ
57a4 འདྲ།། ཕྱོགས་ལྷུང་མེད་པས་ནམ་མཁའ་འདྲ།། རྒྱ་མ་ཆད་པས་ཉི་མ་འདྲ།། ཉིན་མཚན་མེད་པས་ལྕེ་སྤྱང་འདྲ།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས། གོལ་གཞི་གོལ་ས་ཤན་དབྱེ
57a5 ལ་ཟླ་བའི་ལེའུ་སྟེ་བཅུ་དགུ་པའོ།། །། དེ་ནས་ཡང་གསུངས་སོ།། སེམས་དཔའ་ཆེན་པོ་ཉོན་ཅིག། དབང་གི་ཆུ་བོ་བཞི་པོ་བསྟན།། ག་ག་པགས་ཤུ་སི་ཏ་དང་།། ནེ་རན་ཛ་ར་ལྟ་བུ་ཡི།། དཔེ་ཡི་དོན་ནི་ཛ
57a6 ལོག་ནས།། ཆུ་བོ་ཡེ་ཤེས་ཟང་ཐལ་ལ།། འགག་པ་མེད་པའི་ཐིག་ལེའི་རྩལ།། དབང་གི་ཆུ་བོ་ཛ་ལོག་ཡིན།། ཡེ་ཤེས་ཆུ་བོ་རྒྱུན་ལྟར་འཆར།། བར་ཆད་མེད་པའི་དབང་བསྐུར་ཡིན།། རིག་པ་རྩལ་གྱི་དབང་ཐོབ
iiif viewer powered by OpenSeadragon
