| e-texts navigator |
| Wylie |
56b1 ལ།། ཡུལ་མེད་པ་ལ་གནས་པ་མེད།། ཕྱི་ནང་མེད་པས་ཐོབ་ས་མེད།། བར་མཚམས་མེད་པས་ཐོབ་ཡུལ་མེད།། གཉིས་མེད་དབྱེར་མེད་ཐིག་ལེ་ལ།། འབྲས་བུ་ཐོབ་པའི་ཡུལ་མེད་པས།། དུས་ལ་ལྟོས་པའི་ཆོས
56b2 མིན་པས།། དུས་གསུམ་ཡེ་ཤེས་ཕྱི་ནང་མེད།། དཔེར་ན་ནོར་བུ་རིན་ཆེན་དེ།། ཡོན་ཏན་འཕྲལ་ལ་གྲུབ་པ་མིན།། ཡེ་ནས་གཞི་ལ་རྫོགས་པས་ན།། ནོར་བུ་རྣམས་ཀྱི་མཆོག་ཏུ་བཤད།། དོན་ནི་ཐིག་ལེ་ཉག་གཅིག
56b3 དེ།། ཡེ་ནས་འདུ་འབྲལ་མེད་པས་ན།། འབྲས་བུ་ཐོབ་པ་ངས་མ་ཤད།། འདུས་བྱས་འབྲས་བུ་ངས་མ་ཤད།། ཐིག་ལེ་ལྟོས་ཆོས་མ་ཡིན་པས།། སྣང་སྲིད་ཐམས་ཅད་ང་ཡི་ཡུལ།། ང་ཉིད་ཐིག་ལེ་ཡེ་བརྡལ
56b4 ཡིན།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། འབྲས་བུ་རང་ཆས་འདུ་འབྲལ་མེད་པའི་ལེའུ་སྟེ་བཅོ་བརྒྱད་པའོ།། །། དེ་ནས་ཡང་བཀའ་སྩལ་པ། སེམས་དཔའ་རྡོ་རྗེ་ཁྱོད
56b5 ཉོན་ཅིག། གོལ་གཞི་གོལ་ས་བསྟན་པ་ནི།། གཞི་ཉིད་རང་བཞིན་ཟང་ཐལ་དེ།། ངོ་མ་ཤེས་པས་སྒྲིབ་པ་ཡིན།། སྟོང་པར་བསྒོམས་པས་གོལ་བ་ཡིན།། གཞི་ཉིད་རང་གསལ་ཆེན་པོ་དེ།། ངོ་མ་ཤེས་པས་སྒྲིབ་པ
56b6 ཡིན།། རང་གསལ་བསྒོམ་པ་གོལ་ས་ཡིན།། གཞི་ཉིད་ཐུགས་རྗེ་ཆེན་པོ་ཡིན།། ངོ་མ་ཤེས་པས་སྒྲིབ་པ་ཡིན།། བདེ་གསལ་བསྒོམ་པ་གོལ་ས་ཡིན།། གཞི་ཉིད་ཐོག་པ་མེད་པ་ཡིན།། ངོ་མ་ཤེས་པས་སྒྲིབ་པ
iiif viewer powered by OpenSeadragon
