| e-texts navigator |
| Wylie |
55b1 ཤེས་གཏིང་ནས་རྫོགས།། རང་རིག་ཐུགས་ཀྱི་ཉི་མ་བརྡལ།། ཁྱབ་བརྡལ་ཡེ་ཤེས་ཡེ་ནས་བརྡལ།། བསམ་གཏན་ཉིད་ཀྱང་ཡེ་ཤེས་ཟང་ཀ་མ།། བར་དོ་མེད་པའི་ཚིལ་ཆོད་གསལ།། ཕྱི་ནང་དུས་གསུམ་མཉམ་པར
55b2 གནས།། ཉག་གཅིག་རྟོག་གེའི་ཉམས་ལས་འདས།། ཐམས་ཅད་ངོ་བོ་ཉིད་དུ་བརྡལ།། བར་མཚམས་མེད་པས་ཉག་གཅིག་པོ།། བསམ་གཏན་ཆེན་པོ་ཏིང་འཛིན་ཡིན།། ཞེས་གསུངས་སོ།། ཡེ་ཤེས་འཁོར་ལོ་གཏིང
55b3 རྫོགས་ཆེན་པོའི་རྒྱུད་ལས།། རྩེ་གཅིག་བྱིང་རྒོད་རང་གྲོལ་སྒོམ་ཆག་ནད་དང་བྲལ་བའི་ལེའུ་སྟེ་བཅུ་དྲུག་པའོ།། །། དེ་ནས་ཡང་བཀའ་སྩལ་པ། སེམས་དཔའ་ཆེན་པོ་ཉོན་ཅིག། སྤྱོད་པ་སྤྱོད་པ་ཞེས་བྱ།
55b4 བ།། ལྷག་མཐོང་རིག་པའི་ཡེ་ཤེས་དེ།། གཏན་ལ་འབེབས་པའི་ཐབས་ཆེན་གྱིས།། སྣང་བ་མ་འགགས་ཤེས་རབ་ཆེ།། འགྱུ་བ་མ་འགག་ཤེས་རབ་ཆེ།། བྱེད་ད་ཚོགས་གཉིས་དུས་གཅིག་རྫོགས།། འདུ་འབྲལ་མེད
55b5 པའི་ཚོགས་ཆེན་པོ།། བསགས་པ་མ་ཡིན་རང་ལ་རྫོགས།། ཐབས་དང་ཤེས་རབ་ཁྱེར་ཀ་ཡི།། གཟུང་འཛིན་རིག་པའི་ཡུལ་ལས་གྲོལ།། འཛིན་པ་གྲོལ་བ་རྒྱུ་ཡི་ཚོགས།། སྣང་བ་གྲོལ་བ་བསོད་ནམས
55b6 ཚོགས།། དབྱེར་མེད་གྲོལ་བ་འབྲས་བུའི་ཚོགས།། ཆོས་ལས་མ་བྱུང་ཡེ་ཤེས་ཚོགས།། འདུ་འབྲལ་མེད་པའི་ཟང་ཐལ་དེ།། སྐད་ཅིག་གཅིག་ལ་རྫོགས་པས་ན།། ཚོགས་གཉིས་དུས་གཅིག་རྫོགས་པ
iiif viewer powered by OpenSeadragon
