| e-texts navigator |
| Wylie |
55a1 བས་མངོན་ཞེན་གྲོལ།། སྐྱེ་རྒྱུད་ཆད་པས་འཆི་རྒྱུན་ཆོད།། འཁྲུལ་པ་ཟློག་ན་གཞི་ནས་ལྡོག། མ་རིག་པས་ནི་འཁོར་བར་འཁྱམས།། མ་རིག་བཟློག་ན་གཞི་ནས་བཟློག། གཞི་ནི་ལྷུན་གྲུབ་ཕྱོགས་མེད
55a2 ཡིན།། ཕྱོགས་མེད་གྲོལ་བས་ཐམས་ཅད་མཁྱེན།། ཕྱོགས་མེད་ཤར་ན་ཟང་ཐལ་ཡིན།། ཕྱོགས་མེད་གྲོལ་ན་ཆོས་མེད་སྐུ།། མཚན་མ་རང་སར་གྲོལ་གྱིས་དེ་ལ་བྱ།། ཞེས་གསུངས་སོ།། ལྟ་བ་རང་གི་མཚན་ཉིད་དང
55a3 དབྱེར་མེད་དུ་བསྟན་པ། ཡེ་ཤེས་འཁོར་ལོ་གཏིང་རྫོས་ཆེན་པོའི་རྒྱུད་ལས། མཚན་མ་རང་གྲོལ་གྱི་ལེའུ་སྟེ་བཅོ་ལྔ་པའོ།། །། ཡང་བཀའ་སྩལ་པ། གསང་བའི་བདག་པོ་ཉོན་ཅིག། ཏིང་འཛིན་ཏིང་འཛིན
55a4 ཞེས་བྱ་བ།། སྤྱི་དང་བྱེ་བྲག་ཤེས་པ་གཅེས།། སྤྱི་ནི་ཐབས་ཀྱི་བྱེ་བྲག་གོ། རང་གི་མཚན་ཉིད་འདི་ལྟ་སྟེ།། ཏིང་འཛིན་རྩེ་གཅིག་དགོངས་པ་ནི།། དཔེར་ན་བྱ་རྒྱལ་ཁྱུང་ཆེན་ལྟར།། རྩོལ་བ་མེད་པས་ཕྱོགས་མེད
55a5 སླེབས།། འབད་པ་མེད་པར་དགུང་མཐའ་ཡིན།། འོག་མའི་གཡང་ལ་ཉི་མི་ང་།། ཡེ་ཤེས་གཏིང་རྫོགས་ཟང་ཐལ་ཏེ།། ཁྱུང་ཆེན་གཤོག་རྫོགས་ཏིང་འཛིན་གྱིས།། ཆོས་མིན་ཡངས་པའི་ཀློང་དུ་སླེབས།། རྣམ་རྟོག་མ
55a6 སྦྱངས་རང་སར་གྲོལ།། འཁོར་བའི་སྣང་བ་རང་སར་གྲོལ།། ཡེ་ནས་ཕྱི་དང་ནང་མེད་པའི།། ཐིག་ལེ་ཡངས་པའི་ཀློང་ཆེན་དེ།། རྟག་པར་རྒྱུན་གྱི་ཐུགས་རྗེ་ཡིན།། དབྲི་བཀོལ་མེད་པའི་ཏིང་འཛིན་ཤར།། རྟག་ཏུ་ཡེ
iiif viewer powered by OpenSeadragon
