| e-texts navigator |
| Wylie |
54a1 ན་རྩལ་དང་རོལ་པ་དང་།། རྒྱན་གྱིས་ཁམས་གསུམ་དག་ཏུ་འཁྲུལ།། ཡེ་ཤེས་ངོ་སྤྱོད་ཆེན་པོ་འདིས།། གཟུང་འཛིན་ཡུལ་ལས་གྲོལ་བར་བྱེད།། གཏི་མུག་རང་གྲོལ་ཆོས་ཀྱི་སྐུ།། དབྱེར་མེད་ཐིག་ལེ
54a2 ཁྱབ་བརྡལ་ལོ།། ཆགས་པ་རང་གྲོལ་སྦྲུལ་སྐུའི་དོན།། སྣ་ཚོགས་རང་གྲོལ་ཐུགས་རྗེས་ཁྱབ།། ཁྱབ་བརྡལ་ཐིག་ལེ་དབྲི་བཀོལ་མེད།། ཞེ་སྡང་མཚན་མ་ལོངས་སྐུ་ཡིན།། རྒྱན་དང་སྣང་བ་ཐིག་ལེར
54a3 གསལ།། རང་སྣང་ཟང་ཐལ་ཡུལ་མེད་པས།། ཆོས་ཀུ་གཟིགས་སྣང་མཐའ་ལས་གྲོལ།། འབྱུང་ལྔ་འོད་ལྔ་རང་སར་གྲོལ།། སངས་རྒྱས་ཡུལ་མེད་ཟང་ཐལ་ལ།། ཞིང་ཁམས་ཡུལ་དུ་འཛིན་པ་འཁྲུལ།། ལོངས་སྐུ
54a4 ཞིང་ཁམས་རང་སར་གྲོལ།། གྲོལ་བ་དབྱེར་མེད་རང་སྣང་ཐིག་ལེར་འབར།། འབར་བའི་རྒྱལ་པོ་འདི་ལ་དབྱེ་བ་ཡེ་ནས་མེད།། ཅེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། དབྱེར
54a5 མེད་ཐིག་ལེར་རང་སྣང་རང་གྲོལ་གྱི་ལེའུ་སྟེ་བཅུ་བཞི་པའོ།། །། དེ་ནས་གསང་བའི་བདག་པོ་ཆེན་པོ་དེས། བཅོམ་ལྡན་འདས་ལ་ཞུས་པ། ཀྱེ་བཅོམ་ལྡན་འདས་ལྟ་བ་ཏིང་འཛིན་སྤྱོད་པ་དང་།། དེ་ཡིས་འབྲས
54a6 བུ་ཇི་ལྟར་ཐོབ།། གོལ་གཞི་གོལ་ས་ཤན་དབྱེ་དང་།། ལ་ཟླ་ངོ་སྤྲོད་ཇི་ལྟར་བགྱི།། ཆུ་བོ་བཞི་ལ་ངོ་སྤྲོད་དང་།། ལམ་གྱི་གདམས་ངག་ཡེ་ཤེས་ངོས་བཟུང་དང་།། རིག་པའི་མཆོག་འདི་གང་གིས་སྒྲུབ།། དེ་ལུང་ངེས
iiif viewer powered by OpenSeadragon
