| e-texts navigator |
| Wylie |
53b1 ཉིད་ཀྱི་ཐིག་ལེར་འབར།། ཁྱབ་བརྡལ་ཡེ་ཤེས་ཕྱོགས་རིས་མེད།། ཁྱབ་བརྡལ་ཡེ་ཤེས་ཐིག་ལེ་ཡིན།། སངས་རྒྱས་ཡུལ་མེད་ང་ཡིན་པས།། ངས་ནི་ཐིག་ལེ་ཉག་གཅིག་དགོངས་པ་ཡིན།། རིག་པ་ཕྱི་ནང་མེད་པ
53b2 ཡིས།། ཡུལ་མེད་ཟང་ཐལ་ཡིན་པ་ལ།། ཕྱོགས་སུ་འཛིན་པ་སྙིང་རྗེའི་ཡུལ།། སྙིང་རྗེའི་ཆེན་པོ་ཐབས་ཀྱི་མཆོག། ཐིག་ལེ་ཀུན་ཁྱབ་ཀུན་འགྲོ་ཡིན།། ཐིག་ལེར་རང་གྲོལ་ཆེན་པོ་དང་།། ཐིག་ལེ་ཁ་སྦྱོར་ཆེན་པོ
53b3 གཉིས།། དབྱེར་མེད་རང་གྲོལ་ཤར་ཙམ་ན།། འབྲས་བུའི་ཞེན་པ་རང་སར་གྲོལ།། ཞེ་འདོད་མ་ཡིན་ཡེ་གཞི་གསལ།། རང་གྲོལ་ཡེ་ཤེས་ཐིག་ལེར་འབར།། འབར་བ་ཆེན་པོ་སྣང་སྲིད་ཐིག་ལེར་འབར།། ཞེས
53b4 གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། ཡང་དག་པ་ཡེ་ཤེས་ཀྱི་ཐིག་ལེ་རང་སྣང་རང་གྲོལ་གྱི་ལེའུ་སྟེ་བཅུ་གསུམ་པའོ།། །། དེ་ནས་བཀའ་སྩལ་པ། ཉོན་ཅིག་གསང་བའི
53b5 བདག་པོ་ཁྱོད།། སྣང་བ་རྣམ་པ་གསུམ་པོ་སྟེ།། འབྲེལ་དང་མ་འབྲེལ་ངས་བསྟན་གྱིས།། རྒྱུད་དྲུག་ཁམས་གསུམ་སེམས་ཅན་ལ།། དུག་ལྔ་ཕུང་པོ་ལྔ་ལ་སོགས།། རང་རྒྱུད་བཟུང་བའི་སེམས་ཅན་ལ།། ངོ་བོ་གཞི་ཡི
53b6 ཡིན་ལུགས་ཀྱིས།། ཁྱབ་ཅིང་འབྲེལ་པར་ཡེ་ནས་སྣང་།། རྟོག་པར་ང་གྲོལ་རང་ཤར་ལ།། དབྱེར་མེད་ཐིག་ལེ་རང་ཤར་འབར།། མ་རྟོགས་ལས་དང་བག་ཆགས་ཀྱང་།། ཡིན་ལུགས་རྩལ་ལས་གཡོས་པ་མེད།། དེས
iiif viewer powered by OpenSeadragon
