| e-texts navigator |
| Wylie |
53a1 དཔེ་བྱད་རྒྱས།། གྲགས་ཆེན་སངས་རྒྱས་ཡིན་པར་བཤད།། ཤེས་རབ་དག་པའི་སངས་རྒྱས་མིན།། ཤེས་རབ་གོལ་ག་སངས་རྒྱས་མིན།། ཕྱོགས་མ་རྟོགས་པ་དངོས་པོའི་མཐའ།། ཞེས་གསུངས
53a2 སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས། དག་པ་འཇིག་རྟེན་པའི་ངོ་སྤྲད་པའི་ལེའུ་སྟེ་བཅུ་གཉིས་པའོ།། །། དེ་ནས་ཡང་བཀའ་སྩལ་པ། ཉོན་ཅིག་རྡོ་རྗེ་སེམས་དཔའ་ཆེ།། དག་པ་འཇིག
53a3 རྟེན་དག་དང་ནི།། མ་དག་འཁྲུལ་པ་གཉིས་ཀྱིས་སུ།། ཡང་དག་ཡེ་ཤེས་སྣང་བ་ནི།། མུན་མཐའ་མེད་པའི་མཁའ་ལྟར་གསལ།། ཕྱོགས་རིས་མེད་པས་རྒྱ་མ་ཆད།། ཐིག་ལེ་ཡིན་པས་ཁྱབ་ཅིང་བརྡལ།། རང་སར
53a4 གྲོལ་བས་ལྷག་མ་མེད།། སྣ་ཚོགས་ཐིག་ལེའི་རང་སྒོ་ལ།། ཕྱོགས་མེད་ནོར་བུ་རིན་ཆེན་འདྲ།། ཡོན་ཏན་ཕྱོགས་མེད་རྒྱ་མ་ཆད།། ཉི་མའི་སྙིང་པོ་བཞིན་དུ་སྣང་།། སྟོང་པ་གསལ་དང་མི་འགག་པ།། ཕྱོགས་རིས་མེད
53a5 པར་རྒྱ་མ་ཆད།། དེ་དང་འདྲ་བའི་ཐིག་ལེ་ཡིན།། གསལ་བ་རང་ཤར་ཆད་པའི་མིང་མ་གྲུབ།། སྟོང་པར་གནས་པས་རྟག་པའི་གཞི་མ་གྲུབ།། འགག་པ་མེད་པས་ཕྱོགས་མེད་སྣང་།། དབྱེར་མེད་གཞི་ཡི་རང་སྣང
53a6 ལས།། ཐ་དད་འདོན་པ་དོན་མི་མཐོང་།། ཞེས་གསུངས་སོ།། ཡེ་ཤེས་ཉི་མ་རང་ཤར་བས།། གྲིབ་པའི་མཚན་མ་རང་སར་གྲོལ།། ཡེ་ཤེས་ཁྱབ་བརྡལ་ཐིག་ལེར་འབར།། སྣ་ཚོགས་ཐིག་ལེར་རང་སར་གྲོལ།། ངོ་བོ
iiif viewer powered by OpenSeadragon
