| e-texts navigator |
| Wylie |
52b1 ཡིས་མཚོན།། ཕྲག་དོག་རླུང་ཆེན་མེད་པས་ན།། ཐུགས་རྗེ་མཁྱེན་པའི་ཡེ་ཤེས་དང་།། ཡེ་ཤེས་སྤྱན་གྱི་དངོས་གྲུབ་དང་།། ལྷག་མཐོང་ཡེ་ཤེས་འཆར་ས་མེད།། འབྱུང་བ་ལྔ་པོ་མ་གྲུབ་ན། ཞིང་ཁམས་རང་སྣང་སུ་ལ
52b2 འཆར།། སྒོ་ལྔ་རྣམ་ཤེས་མ་གྲུབ་ན།། ཡེ་ཤེས་ལུས་སུ་སུ་ཁས་ལེན།། དག་པའི་ཕུང་པོ་རྣམ་ལྔར་འདུས།། ཆགས་མེད་སྤྱན་ལྔ་རང་ལ་འཆར།། ཡེ་ཤེས་ལྔ་པོས་ཡེ་ནས་ཁྱབ།། ཁྱབ་བརྡལ་ཆེན་པོ་རང་སྣང་ལ།། མ
52b3 དག་འཁྲུལ་པར་འཛིན་པ་འཁྲུལ།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། མ་དག་པ་འཁྲུལ་པའི་དོན་མཚོན་པའི་ལེའུ་སྟེ་བཅུ་གཅིག་པའོ།། །། དེ་ནས་བཀའ་སྩལ
52b4 པ།། ཉོན་ཅིག་རྡོ་རྗེ་སེམས་དཔའ་ཆེ།། དངོས་པོ་དག་དང་རང་གྲོལ་དང་།། དེ་གཉིས་རང་རྒྱུད་པ་དང་གསུམ།། རང་རྒྱུད་དུག་ལྔ་མཚམས་མར་འཛིན།། དངོས་པོ་ཀུན་ལ་དགའ་བ་ནི།། ཕུང་པོ་ལྔ་ལ་སྐུ་ལྔ
52b5 དང་།། དུག་ལྔ་ཡེ་ཤེས་ལྔ་དང་ལྡན།། འབྱུང་ལྔ་ཁ་དོག་འོད་ལྔ་དང་།། སྒོ་ལྔ་སྤྱན་ལྔར་འདོད་པ་ནི།། དོན་དམ་ཀུན་རྫོབ་སྒོ་ནས་སུ།། སེམས་དཔའ་སེམས་མ་ལ་སོགས་པ།། རྡོ་རྗེ་ཕུང་པོ་སྥུ་རུ་སྣང་།། སྣང་སྲིད
52b6 ལོངས་སྤྱོད་རྫོགས་པའི་སྐུ།། འབྱུང་བ་ཡུམ་གྱི་ཀློང་དུ་རྒྱས།། ཕུང་པོ་རྣམ་ལྔ་སྐུ་ལྔར་རྒྱས།། དུག་ལྔ་ཡེ་ཤེས་ལྔ་རུ་རྒྱས།། རྣམ་ཤེས་ལྔ་པོ་སྤྱན་ལྔར་རྒྱས།། མཚན་མའི་དངོས་པོ་སངས་པ་དང་།། ཡོན་ཏན་མཚན་དང
iiif viewer powered by OpenSeadragon
