| e-texts navigator |
| Wylie |
51a1 སྣང་ལས།། རང་སྣང་མ་མཐོང་གཞན་སྣང་མཐོང་།། འགྱུ་བ་དུས་གསུམ་འོད་དང་ཐུག། འབྱུང་དུ་ཟབས་མེད་རི་དྭགས་རྒྱར་ཆུད་འདྲ།། མངལ་ཁའི་ནང་དུ་འགྱུ་བ་ཚུད།། དཀར་དམར་སྒོ་ང་གཅིག་ཏུ
51a2 འཁྲིལ།། དེ་ནི་མཛོད་པུར་ཆགས་པ་ཡིན།། དེ་ལ་ཐིག་ཕྲན་གཉིས་སུ་ཆགས།། མིག་གཉིས་ཐིག་ལེ་འོད་དུ་འབར།། དེ་ལས་རྩ་གཉིས་རྣམ་པར་ཆགས།། ཆོས་ཉིད་མེ་ལོང་དག་ཏུ་གནས།། དེ་ལས་རྩ་གཉིས་གྱེས་པ
51a3 ལས།། སྣ་གཉིས་དག་ཏུ་ཆགས་པ་ཡིན།། དེ་ལས་རྩ་གཉིས་གྱེས་པ་ལས།། མིད་པ་ཨོལ་ཀོང་གཉིས་སུ་ཆགས་པ་ཡིན།། དེ་ལས་མིད་པ་ཨོལ་ཀོང་ལས།། སྙིང་དང་གློ་བར་སྲིད་པ་ཡིན།། ཤེལ་གྱི་སྤུག་གུས་རབ་ཏུ
51a4 འགྲེལ།། གཞི་འདུས་པ་ནི་འབྲེལ་བར་ཆགས།། སྙིང་དང་སྲོག་པ་རྩ་རུ་འབྲེལ།། གློ་བ་མིང་པ་ཨོལ་གོང་དག་ཏུ་འབྲེལ།། དབུགས་ཅན་དབུགས་མེད་དག་ཏུ་འབྲེལ།། སེམས་དང་སེམས་ལས་བྱུང་བར
51a5 འབྲེལ།། རིག་པ་ཐིག་ལེ་དག་ཏུ་འབྲེལ།། འཁོར་བ་མྱ་ངན་འདས་པར་འབྲེལ།། བློ་དང་དངོས་པོ་དག་ཏུ་འབྲེལ།། འབྲེལ་པ་ཤ་དང་རྩ་དང་ནི།། རྐང་དང་ལྤགས་པ་ཆུ་རྒྱུས་དང་།། ཕྱི་ནང་གཟུགས་སུ་འབྲེལ་སུ
51a6 འབྲེལ་པའོ།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུ་ལས།། ལུས་ཀྱི་སྒོང་རྒྱ་ངོ་སྤྲད་པའི་ལེའུ་སྟེ་བརྒྱད་པའོ།། ཡང་བཀའ་སྩལ་པ།། ཉོན་ཅིག་སེམས་ཅན་ཆེན་པོ་ཁྱོད།། ལུས་དང་རྣམ
iiif viewer powered by OpenSeadragon
