| e-texts navigator |
| Wylie |
50b1 པའི་ལེའུ་སྟེ་དྲུག་པའོ།། །། དེ་ནས་ཡང་བཀའ་སྩལ་པ།། འཁྲུལ་པ་མ་རིག་སོ་མཚམས་བསྟན་པ་ནི།། འགྱུ་བ་ཐོགས་མེད་ལས་ཀྱི་རླུང་ཆེན་དེས།། འོད་ཀྱི་སྣང་བས་གསལ་བ་མ་འདྲེས་པ།། རང་སྣང་ཡུལ་དུ
50b2 མཐོང་བས་བག་ཆགས་ལུས་སུ་འཁྲུལ།། ལུས་ཀྱི་སྣང་བ་དག་ལ་སྔ་བ་ནི།། བག་ཆགས་ལུས་ལ་དུས་ལྔ་རྒྱས་པ་ཡིན།། དཀའ་དམར་སྣང་བ་དག་ལ་སྔ་བ་ཡང་།། ཐོག་མ་བཞི་ཡི་རང་གདངས་སྣང་བ་ཡིན།། དེ་ལ
50b3 ཆགས་ན་བག་ཆགས་སྒྲིས་པས་བསླད་པ་ཡིན།། དེ་དག་རང་སྣང་ཟད་ཐལ་ལ།། འོད་དུ་མཐོང་བས་འདི་ལུས་གྲུབ་པ་ཡིན།། འོད་ལ་གཟུགས་སྣང་དངོས་སུ་མ་གྲུབ་སྟེ།། ཡིད་ལ་ཡོད་པ་སྙམ་དུ་མ་གྲུབ་པས།། དེ་ནི
50b4 ཡིད་ཀྱི་ལུས་སུ་འཁྲུལ་པ་ཡིན།། འོད་ལུས་ཡིད་ལུས་སྲེད་ལེན་དུས་དང་མཚུངས།། སྐད་ཅིག་གཅིག་ལ་བྱེད་བྲག་ཕྱེད།། ཤ་ཁྲག་ལུས་སུ་གྱུར་པ་ན།། ལུས་ཀྱི་སྣང་བ་རྒྱས་པའོ།། ཞེས་གསུངས་སོ།། ཡེ་ཤེས་འཁོར
50b5 ལོ་གཏིང་རྫོགས་ཆེན་པོའི་རྒྱུད་ལས།། མ་རིགས་འཁྲུལ་པ་ལུས་ཀྱི་སོ་མཚམས་མཚོན་པའི་ལེའུ་སྟེ་བདུན་པའོ།། །། དེ་ནས་ཡང་བཀའ་སྩལ་པ།། ཉོན་ཅིག་གསང་བའི་བདག་པོ་ཁྱོད།། ལུས་ཀྱི་སྒོང་རྒྱའི
50b6 ཆགས་ལུགས་ནི།། ཕ་ཡི་སྲེད་པ་མ་ཡི་ལེན་པ་ཡིས།། དཀར་པོ་དམར་པོ་མཐིང་ཁ་གསུམ།། སེང་པོ་དམར་པོ་ལྗང་ཁུ་ལྔ།། རྒྱ་དང་ཉ་ཡི་ཚུལ་དུ་ནས་པ་ལ།། ཉ་མོ་རྒྱ་ཡིས་ཟིན་པ་བཞིན།། འགྱུ་བ་ལྷུན་གྲུབ་རང
iiif viewer powered by OpenSeadragon
