| e-texts navigator |
| Wylie |
50a1 གསུམ་པོ་དགའ་བ་དེ།། འཁོར་བའི་རྒྱ་མཚོའི་ནང་དུ་བྱིང་།། འདོད་ཆགས་མེ་ལྟར་འབར་བ་དང་།། ཞེས་སྡང་བྲག་ཆེན་གཏམས་པ་དང་།། གཏི་མུག་མུན་ལྟར་གཏིབས་པ་དང་།། ང་རྒྱལ་ཆུ་ལྟར
50a2 འཁྲུག་པ་དང་།། ཕྲག་དོག་རླུང་འཚུབས་པ་ཡིས།། ངན་འགྲོ་བདེ་འགྲོའི་གནས་འཁྱམ།། རང་གིས་རང་བདུད་གཅོད་པ་ཡིས།། ཐར་བའི་དུས་ནི་དཀའ་བར་མཆི།། ཞེས་གསུངས་སོ།། ཡེ་ཤེས་འཁོར་ལོ་གཏིང
50a3 རྫོགས་ཆེན་པོའི་རྒྱུད་ལས།། དགེ་སྡེག་རང་གྲོལ་དང་རང་བཅིངས་སྤྱིས་བསྟན་པའི་སྟེ་ལྔ་པའོ།། དེ་ནས་ཡང་བཀའ་སྩལ་པ།། སངས་རྒྱས་སེམས་ཅན་ཁྱད་པར་བསྟན་པ་ནི།། འགྱུ་བ་ལྷུན་གྲུབ་རླུང་གི་གཤོག་པ
50a4 ཙམ།། རླུང་གི་འཁོར་ལོ་རྟ་ཕོ་ལ།། ཞོན་ནས་ཕྱོགས་སུ་འགྲོ་འདོད་པ།། དེས་ནི་ཆགས་སྡང་སྐྱེ་བའི་གཞི།། རིག་པ་རང་ས་མི་ཟིན་པས།། མ་རིག་པ་ཡི་མུན་པ་འཐིབས།། ཉོན་མོངས་པ་ཡི་དབང་གིས་སུ།། མ་ཤེས
50a5 འཁོར་བའི་འདམ་དུ་བྱིང་།། འཁོར་བ་ལོགས་ན་མེད་དེ་རང་གི་བགྲོད།། སེམས་ནི་ཆགས་སྡང་སྐྱེད་པར་བྱེད།། དེས་ན་སེམས་ནི་རྟོགས་པས་འབྲས་བུ་འདུས་བྱས་འགྱུར།། སངས་རྒྱས་རིག་པ་རང་གྲོལ
50a6 ཡིན།། བར་སྣང་གཉིས་མེད་ཐིག་ལེ་འབར།། འབར་བ་ཆེན་པོ་འདི་ལ་དབྱེར་མེད་རང་ས་ཟིན།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། སངས་རྒྱས་སེམས་ཅན་ཁྱད་པར་མཚོན
iiif viewer powered by OpenSeadragon
