| e-texts navigator |
| Wylie |
4b1 མེད་སྒྲོལ་བྲལ་ངོ་བོས་ལྡོག། འཛིན་མེད་རང་འབྱུང་སྨན་ཆེན་གྱིས།། འཁོར་བ་གཅོད་རོང་ནད་ལས་ལྡོག། ཅེས་གསུངས་སོ།། ཡེ་ཤེས་འཁོར་ལོ་གསང་བ་ལས།། འཁྲུལ་པ་ལྡོག་ཚུལ་གྱི་ལེའུ་སྟེ་གསུམ
4b2 པའོ།། །། དེ་ནས་རིག་པའི་རྒྱལ་པོས་རྣམ་དག་རང་བྱུང་གི་ལྟ་བ་འདི་གསུངས་སོ།། མཉམ་ཉིད་རྣམ་དག་བརྡལ་བའི་ཀློང་།། མཐའ་བྲལ་ཡེ་ཤེས་ལྷུན་གྱིས་གྲུབ།། རང་བྱུང་རྒྱུ་རྐྱེན་མེད་རྟོགས
4b3 པས།། གཞན་ནས་འབྱུང་བའི་ཆོས་མ་ཡིན།། དངོས་གྲུབ་བདེ་བ་རང་ལ་འབྱུང་།། ཡེ་ཤེས་ཇི་བཞིན་གནས་པ་ལ།། རྩོལ་བའི་རྒྱུ་འབྲས་སྤྱད་དུ་མེད།། རིམ་སྩོལ་བློ་ཡི་ཐེག་པ་རྣམས།། དྲང་བའི་དོན་དུ་བཤད་པ
4b4 ཡིན།། ཞེན་རྟོག་གིས་ནི་གཡོས་གྱུར་ཀྱང་།། རང་བྱུང་ངོ་བོ་གཡོས་པ་མེད།། དབྱེ་གསལ་མེད་པའི་ལྟ་བའི་ཆོས།། རྒྱུད་འབྲས་འདས་པའི་ངོ་བོ་ཡིན།། གདོད་ནས་གནས་པས་བྱ་མི་དགོས།། རྐྱེན་མེད་པར་མར་རང
4b5 བྱུང་དག། མ་འགགས་ངོ་བོ་རྫོགས་པ་ཆེ།། སྩོལ་མེད་རང་བྱུང་ལུས་ཆེན་གྱིས།། ཐམས་ཅད་ངོ་བོ་གཏན་ལ་འབེབས།། དེས་ན་སྩོལ་མེད་རིག་པའི་ལུང་།། དོན་དང་མི་ལྡན་གྲ་ཆ་ན།། ནེ་ཙོ་མི་སྐད་སྨྲས་པ་འདྲ།། དེ
4b6 ནས་ལུད་དང་ལྡན་མ་ཡིན།། སྙིང་པོ་དོན་གྱི་ངོ་བོ་སྟོན།། སྒྲ་ཚིག་ཞེན་པའི་ཡུལ་ལས་གྲོལ།། རང་རྟོགས་པ་ཡི་གདེང་ལྡན་ན།། ཡིད་ཆེས་བཤེས་པའི་མཚན་ཉིད་དོ།། ཡིན་པས་ང་ཡིས་བཀའ་དང་མཐུན།། ཅེས
iiif viewer powered by OpenSeadragon
