| e-texts navigator |
| Wylie |
49a1 པ།། ཐོག་མ་མེད་པའི་དུས་ཉིད་ན།། སངས་རྒྱས་སེམས་ཅན་མིང་མེད་པའི།། ཉི་ཟླ་གཉིས་སུ་ལུང་མ་བསྟན།། སྤྱིས་ཀུན་གཞི་ཆེན་པོ་ཡིན།། རྒྱ་ཆད་ཕྱོགས་ལྷུང་མེད་པའོ།། གཞི་ཉིད་ལྷུན་གྲུབ
49a2 དབྱེར་མེད་པས།། ནམ་མཁའ་ནོར་བུ་རིན་པོ་ཆེ།། ག་པུར་ཉི་མ་ལྟ་བུས་མཚོན།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད་ལས།། གཞི་མཚོན་པའི་ལེའུ་སྟེ་གཉིས་པའོ།། །། དེ་ནས
49a3 འཁྲུལ་པ་ངས་བསྟན་ཏོ།། ལེགས་པར་ཉོན་ཅིག་གསང་བདག་ཆེ།། ལྷུན་གྲུབ་ཡོན་ཏན་ཕྱོགས་མེད་པ།། ལྷུན་གྲུབ་རྩལ་ལས་ཕྱོགས་མེད་པའི།། འགག་པ་མེད་པའི་རླུང་ཆེན་གྲུབ།། ས་མཚམས་མ་ནི་རླུང་དུ
49a4 བྱུང་།། འཁོར་བ་འཇུག་ལྡོག་སྣང་བ་ཤར།། འགྱུ་ཡིག་འཇུག་ཡིན་སྤྱོད་པའི་ཡིད།། འཁོར་ལོ་མཚོན་ཆ་མེད་དཔུང་འདྲ།། རང་སྣང་འོད་ལུས་གྲུབ་པར་ངེས།། ཁམས་གསུམ་རྩ་བ་དེ་རུ་སྨིན།། འགྱུར་བ་རླུང་གི
49a5 གཤོག་པ་ཅན།། མཛེས་པའི་ལྷ་མོ་ཕྱོགས་མེད་གཟིགས།། ལྷ་མོ་འོད་འཆང་ཞེས་སུ་བཤད།། ལྷ་མོ་ནོར་བུ་བུམ་པའི་སྐུ།། གཟིགས་སྣང་མེད་པར་མཁའ་ལ་ལྡིང་།། སྦྱོར་བ་གསུམ་གྱི་ཕ་རོལ་འགྲོ།། ཞེས་གསུངས
49a6 སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུ་ལས།། གཞི་དང་འཁྲུལ་པ་སོ་མཚམས་མཚོན་པའི་ལེའུ་སྟེ་གསུམ་པའོ།། །། དེ་ནས་ཡང་བཀའ་སྩལ་པ།། རྩེ་གཅིག་ཉོན་ཅིག་གསང་བདག་ཁྱོད།། དགེ་སྡིག
iiif viewer powered by OpenSeadragon
