| e-texts navigator |
| Wylie |
48b1 རྒྱ་གར་སྐད་དུ།། ཛྙཱ་ན་ཙཀྲ་ས་དི་མ་ཧ་ཏནྟྲ།། བོད་སྐད་བ་དུ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུད།། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། ཚིག་མང་རབ་ཏུ་བསྡུས་ནས་ནི།། ཐེག
48b2 པའི་ཡང་རྩེ་མན་ངག་ཀུན་གྱི་བཅུད་བསྡུས་པ།། རྒྱུད་རྣམས་ཀུན་གྱི་སྙིང་པོར་བཤད།། འཁྲུལ་པ་ཟློག་པའི་ཐབས་སུ་བདག་གིས་བརྗོད།། འདི་སྐད་བདག་གིས་བཤད་པའི་དུས་གཅིག་ན།། གསང་བདག་ཆེ་ལ
48b3 བཀའ་སྩལ་པ།། འོག་མིན་ཆོས་དབྱིངས་ཕོ་བྲང་དུ།། རང་གྲོལ་མཁྱེན་པ་རིག་པའི་འཁོར།། བྱིན་རླབས་འཇུག་པའི་བསྟན་པ་ཡིན།། ཞེས་གསུངས་སོ།། གསང་བའི་བདག་པོས་རབ་ཞུས་པ།། ཐོག་མ་མེད་པའི
48b4 དུས་ཉིད་གང་།། དེ་ལས་འཁྲུལ་པ་ཇི་ལྟར་ལགས།། དགེ་སྡིག་སོ་མཚམས་ཅི་ཡིས་བཟུང་།། སངས་རྒྱས་སེམས་ཅན་ཁྱད་པར་ཅི།། གཞི་དང་འཁྲུལ་བའི་སོ་མཚམ་གང་།། འཁྲུལ་པ་མ་རིག་སོ་མཚམས
48b5 གང་།། ལུས་ཀྱི་སྒོང་རྒྱ་ཇི་ལྟར་ཆགས།། ལུས་དང་རྣམ་ཤེས་སོ་མཚམས་ཅི།། ལས་དང་བག་ཆགས་སོ་མཚམས་དང་།། འགྲོ་དྲུག་མ་དག་འཁྲུལ་སྣང་དང་།། ལོངས་སྐུ་དག་པ་འཇིག་རྟེན་དང་།། ཡང་དག་ཡེ
48b6 ཤེས་སྣང་བ་གསུམ།། གཅིག་པ་ལགས་སམ་ཐ་དད་ལགས།། ཞེས་གསུངས་སོ།། ཡེ་ཤེས་འཁོར་ལོ་གཏིང་རྫོགས་ཆེན་པོའི་རྒྱུ་ལས།། གླེང་གཞིའི་ལེའུ་སྟེ་དང་པོའི།། །། ཀུན་བཟང་རྫོགས་པས་བཀའ་སྩལ
iiif viewer powered by OpenSeadragon
