| e-texts navigator |
| Wylie |
45b1 ལྡན་འདས་ཀྱི་བཀའ་སྩལ་པ།། གསུང་དྲི་མ་མེད་པའི་གསུང་།། ཐུགས་དྲི་མ་མེད་པའི་ཐུགས།། སྐུ་དྲི་མ་མེད་པའི་ཀློང་ནས་བཤད་པ།། ཐམས་ཅད་རང་གྲོལ་དུ་འབྱིན་པའི་ཐུགས་ལ་ཚོང་དང་།། ཁ་སྦུབ་དང་། དུག
45b2 ཅན་དང་།། ཞབས་རྟོལ་དང་།། གཞོག་རལ་དང་བཞི་ལ།། ཤེས་རབ་བཞིས་སྒོ་ཕྱེ།། ཡེ་ཤེས་གསོང་གི་སྒོ་སྟོན།། ཐབས་ཀྱི་འདྲེན་སྒོར་ཕྱུང་།། ངེས་པའི་གསང་སྒོ་བརྟོལ།། རིག་པ་ཡེ་ཤེས་ཀྱི་གསང་ལམ་དུ
45b3 ཆུག། ཅེས་བཀའ་སྩལ་ཏོ།། བསྐལ་པོ་འོད་ལྡན་གྱི་རྒྱུད་ལས།། ལུང་བསྟན་པའི་ལེའུ་སྟེ་ཉེར་གཉིས་པའོ།། །། དེ་ནས་བཀའ་སྩལ་པ།། སྒོམ་པའི་སྲོག་གཅོད་ལྟ་བའི་བཏོད་ཕུར་ཕྱུང་།། སྤྱོད་པ་གཉིས་མེད
45b4 རང་སྣང་རང་གྲོལ་དུ།། གཏན་ལ་འབེབས་པའི་ཡུལ་དུ་མ་གཏན་རང་གྲོལ་ཤེས་པར་གྱིས།། འབྲས་བུ་ཡེ་ནས་ཡིན་པས་ཐོབ་པའི་ས་མེད་དོ།། བྱིན་བརླབས་ཐུགས་རྗེའི་ཕྱོགས་རིས་མེད་པ་ལ།། རེ་སྟོས་མ་བྱེད
45b5 འཛིན་སྣང་རང་སྒོ་ལྟོས།། རིག་པ་ཡེ་ཤེས་ཐིག་ལེ་ཆོས་ལས་མ་བྱས་པས།། དེ་ཕྱིར་ཆོས་ལས་འདས་པ་ཡིན།། ཕྱོགས་མེད་རྒྱ་ནི་མ་ཆད་པས།། དེ་ནི་ནམ་མཁའ་མེད་པ་ཡིན།། ཡེ་ཤེས་ཐིག་ལེ་ཡེ་ནས་རྣམ་དག
45b6 བས།། དེ་ནི་འབྱུང་ལྔ་རང་གྲོལ་ཡིན།། སྣང་སྲིད་སྐུ་གསུམ་ཐིག་ལེ་ཁོང་ནས་འབར།། དེ་ཕྱིར་སྲིད་གསུམ་རྣམ་དག་ཡིན།། འགྲོ་དྲུག་སྤྲུལ་པའི་ཐུབས་རྗེ་ཤ་ཀ། སེང་ལ་སོགས་པ་སྣང་བ་རྣམས།། ཡེ་ནས་ཐིག་ལེ
iiif viewer powered by OpenSeadragon
