| e-texts navigator |
| Wylie |
45a1 ཁྱུང་ཆེན་ལྟ་བུའོ།། སྐད་ཅིག་ལ་རང་ས་ནོན་པས་སེང་གེ་མཆོངས་པ་ལྟ་བུའོ།། སྣང་བ་ཐམས་ཅད་རང་གྲོལ་དུ་སྣང་བ་ནི་ཟག་པ་སྦྲུལ་ལྟ་བུའོ།། ཕྱོགས་རིས་མེད་པ་ཉི་མ་ཕྱེད་ཀྱི་དཀྱིལ་ལྷ
45a2 བུའོ།། ཞེས་གསུངས་སོ།། བསྐལ་པ་འོད་ལྡན་གྱི་རྒྱུད་ལས།། རང་རིག་པའི་ཡེ་ཤེས་ལ་དཔེ་ངོ་སྤྲད་པའི་སྟེ་ཉི་ཤུ་པའོ།། ཡང་བཀའ་རྩལ་པ། གསང་བའི་བདག་པོ་ཁྱོད་ཉོན་ཅིག། ལྟ་བ་ཁ་འཇམ་ཤོར་བ
45a3 དང་།། ཐིག་ལེ་ཆོས་མིན་ཀློངས་པ་གཉིས།། འདྲ་འདྲ་འདྲ་སྟེ་ནོར་བར་མཆི།། སྒོམ་པ་སེམས་འཛིན་སྤྱོད་པ་དང་།། འགྱུ་བ་ལམ་དུ་སློངས་པ་གཉིས།། འདྲ་འདྲ་འདྲ་སྟེ་ནོར་བ་མཆི།། ཡེ་ཤེས་ལྷ་ཡི་ལུང་སྟོན
45a4 དང་།། བར་ཆོད་བདུད་ཀྱི་ཁུང་སྟོན་གཉིས།། འདྲ་འདྲ་འདྲ་སྟེ་ནོར་བ་མཆི།། ཚོགས་དྲུག་ལྷུག་པའི་རྣལ་འབྱོར་དང་།། རང་རྒྱུད་ལྷུག་པའི་རྣལ་འབྱོར་གཉིས།། འདྲ་འདྲ་འདྲ་སྟེ་ནོར་བ་མཆི།། སྣང་བ་ལམ་དུ་ཁྱེར་བ
45a5 དང་།། ཞེ་འདོད་ལམ་དུ་ཁྱེར་བ་གཉིས།། འདྲ་འདྲ་འདྲ་སྟེ་ནོར་བར་མཆི།། གསང་སྤྱོད་བྱེད་པའི་སྨྱོན་པ་དང་།། གནོད་གྱིས་བརླམས་པའི་སྨྱོན་པ་གཉིས།། འདྲ་འདྲ་འདྲ་སྟེ་ནོར་བར་མཆི།། བཀའ་རྒྱུད་དད་པས
45a6 གདུངས་པ་དང་།། ཆོས་པ་འོག་རུས་བྱེད་པ་གཉིས།། འདྲ་འདྲ་འདྲ་སྟེ་ནོར་བར་མཆིའོ།། ཞེས་གསུངས་སོ།། བསྐལ་པ་འོད་ལྡན་གྱི་རྒྱུད་ལས། འདྲི་མིན་ངོར་བཟུང་བའི་ལེའུ་སྟེ་ཉེར་ཅིག་པའོ།། དེ་ནས་ཡང་བཅོམ
iiif viewer powered by OpenSeadragon
