| e-texts navigator |
| Wylie |
44b1 ཡི་མཁྱེན་ཚད་ཡིན།། རང་ལས་རང་གྲོལ་རང་སད་པ།། དེ་ནི་ང་ཡི་འབྲས་བུ་ཡིན།། ལྷུན་གྲུབ་ཐིག་ལེ་ཆོས་མིན་ལ།། གཉེན་པོས་བཙུན་ལ་སྒོམ་དུ་མེད།། དེ་ནི་ང་ཡི་གྲུབ་མཐའ་ཡིན།། དེ་ནི་ཀུན་གྱི་རང་གྲོལ
44b2 དུ།། ལྷངས་ཀྱི་རྟོགས་པའི་ངོ་བོ་ནི།། སྟོང་གསལ་ཀུན་ཁྱབ་སྣ་ཚོགས་འབྱུང་།། ཀུན་གྱི་གཞི་མར་གནས་པའོ།། ཐམས་ཅད་ཀྱི་བདག་ཉིད་དུ་འདུག་པའོ།། ཐུན་མོང་མ་ཡིན་པའི་འདུག་ཚུལ།། ཡིན་ཚུལ་དབྱེ་བ་མེད
44b3 པ།། རྟོགས་ཚུལ་ཐིག་ལེ་ཆོས་མིན་དུ་རྟོགས་པ།། ཤར་ཚུལ་རྣམ་རྟོག་ཡེ་ཤེས་སུ་འཆར་བ།། གྲོལ་ཚུལ་རིག་པ་ཆོས་མིན་གྱི་ཡེ་ཤེས།། རིག་པ་ཁོང་གྲོལ་དུ་རང་ཤར་བ།། ཐོབ་ཚུལ་ཐིག་ལེ་དང་ཡེ་ཤེས
44b4 མཁྱེན་ཚང་ཐོབ་པའོ།། ཞེས་གསུངས་སོ།། བསྐལ་པ་འོད་ལྡན་གྱི་རྒྱུད་ལས།། རིག་པ་ཡེ་ཤེས་གཏན་ལ་དབབ་པའི་ལེའུ་སྟེ་བཅུ་དགུ་པའོ།། ། དེ་ནས་ཡང་བཀའ་སྩལ་པ།། རྡོ་རྗེ་སེམས་དཔའ་ཉོན་ཅིག། རང་རིག
44b5 པའི་ཡེ་ཤེས་ལ་དཔེས་བསྟན་གྱིས།། ཞེས་གསུངས་ནས།། རིག་པ་ཆོས་མིན་གྱི་ཡེ་ཤེས་དེ་ལ།། སྒྲིབ་གཡོགས་གདོད་ནས་དག་པས།། དཔེ་ཤེལ་སྒོང་དག་པ་ལྟ་བུའོ།། མ་བརྩལ་བ་གྲུབ་པས་ནོར་བུ་རིན་པོ་ཆེ་ལྟ
44b6 བུའོ།། སྣ་ཚོགས་སུ་སྣང་ཡང་རང་བཞིན་མེད་པས།། ཆུ་ཟླ་ལྟ་བུའོ།། དེའི་རྩལ་མི་འགག་པས།། རླུང་ལྟ་བུའོ།། རྒྱ་གར་ཡང་མ་ཆད་ཅིང་།། ཕྱོགས་གར་ཡང་མ་ལྷུང་བས་ནམ་མཁའ་ལྟའོ།། འབད་རྩོལ་མེད་པས
iiif viewer powered by OpenSeadragon
