| e-texts navigator |
| Wylie |
44a1 སོགས་པའི་ཁར་འགྲོངས་མེད་དོ།། དེའི་ཀློང་བྱ་བཙལ་དང་བྲལ་བས།། ཡེ་ཤེས་ཀྱི་རང་ལུགས་ལ་ཕུང་པོ་མ་གྲུབ་པས།། ན་ཚ་བཀྲེས་སྐོམ་གྱི་སྡུག་བསྔལ་རང་གྲོལ་བས།། ཆོས་སྤྱོད་བཅུའི་ལས་བྱར
44a2 མེད་དོ།། ཆོས་ལས་འདས་པ་ཡིན་པས།། ཡེ་ཤེས་ཆོས་ཀྱི་སྐུ་ཞེས་བྱའོ།། རིག་པ་ཆོས་མིན་གྱི་ཡེ་ཤེས་ཀ་དག་པ་ལ།། སྐུ་གསུམ་ཀ་ནས་མ་གྲུབ་པས།། ཆོས་སྐུ་ནམ་མཁའ་ལྟ་བུ་ལ་རེ་སྟོས་མེད་ན།། ཡེ་ཤེས་ཁོང
44a3 ཤར་གྱི་རང་གྲོལ་ཡིན་ནོ།། འབྱུང་བ་ལྔ་ཟད་ཕུང་པོ་ལྔ་ལས་གྲོལ།། རང་རིག་པའི་ཡེ་ཤེས་ཁོང་ནས་ཤར།། འདི་ལ་བྱ་བཙལ་རྩོལ་སྒྲུབ་ཅི་ཡང་མེད།། མེད་པས་ཐིག་ལེ་ཆོས་མེད་ཡིན།། ཞེས་གསུངས་སོ།། བསྐལ
44a4 པ་འོད་ལྡན་གྱི་རྒྱུད་ལས།། རང་གྲོལ་རང་ཤར་གྱི་ལེའུ་སྐབས་བཅོ་བརྒྱད་པའོ།། ། དེ་ནས་ཡང་བཀའ་སྩལ་པ།། གསང་བའི་བདག་པོ་ཉོན་ཅིག། ཐིག་ལེ་ཆོས་ཀྱི་སྐུ་ཡི་སྣང་བ་ལ།། རེ་ཞིང་སྒྲུབ་དང་འབྲས་བུ
44a5 འདོད།། དེ་ནི་ང་ཡི་གོལ་ས་སྟེ།། ང་ཡི་གཞི་ལས་འཆོས་པ་དེ།། ཐིག་ལེ་ཆོས་མིན་དམ་ཚིག་འདས།། འགྱུ་བ་ཕྱོགས་མེད་འཆར་བ་ནི།། ཐིག་ལེ་ཆོས་མིན་ང་ཡི་ལམ།། དེ་ཡི་ངང་དུ་ལྟ་བ་དེ།། དེ་ནི་ཐིག་ལེ་ཆོས་མིན
44a6 ལྟ་སྟངས་ཡིན།། ཡེ་ཤེས་ཟང་ཐལ་རང་ཤར་ལ།། དུས་མེད་རྟག་ཏུ་ལྟ་བ་དེ།། དེ་ནི་ང་ཡི་དམ་ཚིག་ཡིན།། རང་ལས་འགྱུས་པ་རང་གྲོལ་བས།། དེ་ནི་ང་ཡི་དགོངས་པ་ཡིན།། ཡེ་ནས་ཡིན་པར་ཤེས་པ་དེ།། དེ་ནི་ང
iiif viewer powered by OpenSeadragon
