| e-texts navigator |
| Wylie |
42b1 བས་སླར་ལ་སྲོག་གཅོད་མཐོང་།། རིགས་ལྔའི་ཕྱག་མཚན་མཐོང་བས་ནི། སྤུ་གྲི་ལ་སོགས་རང་ལུས་གཤོག་ལ་སོགས།། ཕྱག་མཚན་སྐུ་མདོག་སླར་ཡང་བདུད་དུ་ཆེ།། རབ་བདུད་དགོངས་པ་སྒྲགས་པས་ནི།། རྟོག
42b2 སོང་ཆོས་ལ་སོགས་པའི་སྒྲ་རུ་འགྱུར།། སྣང་འཛིན་མཐོང་བ་ལོག་པའི་འབྲས་བུ་ཡིན།། ད་ལྟར་སྣང་འཛིན་རང་ལས་འདུད་དུ་ཆེ་བ་མེད།། མེད་པར་མ་ཤེས་སངས་རྒྱས་དགྲ་རུ་ལངས།། ཆོས་སྐུ་རྒྱབ་ལོག་བྱས་ཤིང
42b3 རིག་པ་བདུད་དུ་བབས།། འགྱུ་བ་ཕུང་མཁན་དབུགས་མེད་ཟང་ཐལ་དེ།། རང་སྲོག་རང་གིས་མི་ཆོད་ཅི་ལ་སྲིད།། འགྱུ་བ་སྲོག་གཅོད་གདམས་ངག་མ་ཤེས་ན།། ངོ་སྤྲོད་ཁ་འཇམ་རང་གི་བྱས་ཆོས་ཡིན།། རིག་པའི
42b4 ཆོས་ཉིད་ཡེ་ཤེས་སྐུ་མཁར་ནས།། ཤེས་རབ་འགག་མེད་པའི་མི་པོ་ཡིས།། འགྱུ་བའི་མིག་ལ་མདའ་གཅིག་མ་བརྒྱབ་ན།། རྟག་ཏུ་ངོ་སྤྱོད་བྱས་ཀྱང་སངས་རྒྱས་དགྲ་རུ་སྡང་།། ཞེས་གསུངས་སོ།། བསྐལ་པ་འོད་ལྡན
42b5 གྱི་རྒྱུད་ལས།། ཐུགས་རྗེ་ཛ་ལོག་འགྱུར་བ་མདའ་བསྡིག་གི་ལེའུ་སྟེ་བཅོ་ལྔ་པའོ།། །། དེ་ནས་ཡང་བཀའ་བསྩལ་པ།། འགྲོ་བའི་བླ་མ་སྟོན་པ་ཡིན།། སྤྲུལ་པའི་སྐུ་སྟེ་སྐུ་ཡི་མཆོག། ལོངས་སྤྱོད་རྫོགས་སྐུའི
42b6 བདག་ཉིད་ཅན།། ཆོས་སྐུ་དངོས་སུ་སྟོན་པ་ཡིན།། བླ་མ་ཆེན་པོས་བསྟན་པ་ནི།། སྐུ་གསུམ་རང་ལུས་མཐའ་ཡང་རྟོགས།། སྤྲུལ་པའི་སྐུ་རུ་ཤེས་པར་བྱ།། དུས་ཀྱི་མཐའ་དང་གནས་སྐལ་མཐའ།། རབ་འབྲིང་ཐ་མ
iiif viewer powered by OpenSeadragon
