| e-texts navigator |
| Wylie |
41a1 མེད།། དེ་ནས་རང་གྲོལ་སྦྲུལ་སྐུའི་སྣོད་ལས་སྤྲུལ་པའི་སྐུ་བྱུང་བས།། འབྱུང་བ་ཆེན་པོ་བཅོམ་ལྡན་འདས།། ཕྱིན་ཅི་ལོག་ཏུ་རྣམ་བརྟགས་ཀྱང་།། གྲོལ་བ་རང་འབྱུང་འདི་ཉིད་ཡིན།། དོན་བྱེད་མ
41a2 འགགས་སྤྲུལ་པའི་སྐུ།། འདི་ཉིད་ཡང་དག་སྦྲུལ་སྐུ་ཡིན།། ཞེས་གསུངས་སོ།། བསྐལ་པ་འོད་ལྡན་གྱི་རྒྱུ་ལས།། ཐུགས་རྗེ་སྦྲུལ་སྐུའི་བྱིན་རླབས་ཛ་ལོག་ཏུ་བསྟན་པའི་ལེའུ་སྟེ་བཅུ་པའོ།། དེ་ནས་བཀའ་སྩལ
41a3 པ།། ལོངས་སྤྱོད་རྫོགས་སྐུའི་ཐུགས་རྗེ་ཡང་།། རྣམ་པ་གསུམ་དུ་རིག་པར་བྱ།། ཐུན་མོང་ཁྱབ་པར་ལོངས་སྐུ་དང་།། སྒྲུབ་པའི་ཡིད་ཀྱི་ལོངས་སྐུ་དང་།། ངོ་བོ་ཉིད་ཀྱི་ལོངས་སྐུ་གསུམ།། སངས་རྒྱས་རྣམ་མཛད
41a4 ཆེ།། ཡེ་ཤེས་སྐར་མ་ལྷམ་མེ་པ།། གཞི་ལ་གནས་པའི་སྐུ་ལྔ་པོ།། འགྲོ་བ་རྒྱུད་ལ་ཆར་ལྟར་སྣང་།། ཡིག་འབྲུ་སྤྲོ་བསྡུའི་བྱིན་རླབས་ཀྱིས།། ཐུགས་རྗེ་མི་བདེ་སེལ་བ་ནི།། སྒྲུབ་པའི་ཡིད་ཀྱི་ལོངས་སྐུ་ཡི།། བྱིན
41a5 རླབས་ཡིན་པར་ཤེས་པར་བྱ།། འབྱུང་ཆེན་རྣམ་ལྔ་ལོངས་སྐུར་སྣང་།། སྣང་བ་ཆེན་པོ་གསལ་བ་ཆེ།། བྱིན་རླབས་ཡུམ་ལྔས་འགྲོ་དོན་བྱེད།། ཕྱི་ཡི་ངོ་བོ་ལོངས་སྐུར་ཤར།། དེ་ནི་ཐུན་མོངས་ལོངས་སྐུའོ།། ཁྱད་པར
41a6 རང་སྣང་ལོངས་སྐུ་ཡིན།། རིག་པའི་ཡེ་ཤེས་རང་གདངས་ལ།། འགྱུ་བའི་ལོངས་སྤྱོད་རྟག་ཏུ་བྱེད།། རྟག་ལྟ་ཁོང་ཁྲོ་ལོངས་སྐུ་ཡིན།། བར་དོ་ལོངས་སྐུ་དངོས་སུ་འཆར།། སངས་རྒྱས་སྐུ་ལྔའི་བདག་པོར་སྣང་།། དེ
iiif viewer powered by OpenSeadragon
