| e-texts navigator |
| Wylie |
40a1 སྟེ།། འཇུག་པའི་སྒོ་མེད་ཡེ་ཤེས་ཁོང་ནས་ཤར།། བསྲུང་དང་སྡོམ་པ་དམ་ཚིག་ཛ་ལོག་སྟེ།། གཉིས་མེད་ཟང་ཐལ་མེད་པས་གང་དང་ཅི་ཡིན་བསྲུང་དུ་མེད།། དམ་ཚིག་ཆེན་པོ་བསྲུང་བའི་ཁར་མི
40a2 འབབ།། རྟོགས་པར་བྱ་བའི་ཡུལ་མེད་ཐབས་རེ་ལྟོས་ཁར་མི་སྣང་།། ཐབས་ཀྱི་རྒྱལ་པོ་རང་གྲོལ་ཆེན་པོ་ཡིན།། འབྲས་བུ་རང་བྱུང་ལྷུན་ཡེ་གནས་ལ།། བཙལ་ཀྱང་སྒྲུབ་པའི་འབྲས་བུ་འཕེལ་འགྲིབ
40a3 འགྱུར།། ཐམས་ཅད་འདུག་ཚུལ་ཡེ་ནས་བཅོས་མེད་ཡིན།། རྟོག་པ་ཤར་བའི་དུས་ན་ཡེ་ཤེས་ཐོག་བབས་ཡིན།། རང་ཤར་གྲོལ་བའི་དུས་ན་ག་པུར་སྨན་འགྱུར་འདྲ།། ཞེས་གསུངས་སོ།། བསྐལ་པ་འོད་ལྡན་གྱི་རྒྱུ
40a4 ལས།། ཐེག་པ་རིམ་དགུ་ཛ་ལོག་ཏུ་བསྟན་པའི་ལེའུ་སྟེ་བརྒྱུད་པའོ།། དེ་ནས་ལུས་སེམས་ཛ་ལོག་བསྟན་པ་ནི།། ཐོག་མའི་ལུས་ནི་ཟང་མ་སྟོང་པ་ཡིན།། བར་གྱི་ལུས་ནི་འོད་དུ་གྱུར་བ་ཡིན།། འོད་ལུས་འགྱུར་བས
40a5 ཤ་ཁྲག་ལུས་སུ་ཚུད།། འོད་ཀྱི་དུས་སུ་འོད་ཀྱི་འཛིན་པ་ནི།། འོད་ཀྱི་ལུས་སུ་འཛིན་པའི་སེམས་སུ་སྣང་།། ཡིད་ཀྱི་སྣང་བ་གྱུར་པས་ཤ་ཁྲག་འཛིན་པ་ལྟར།། ཤ་ཁྲག་ལུས་དང་རྟེན་འབྲེལ་པ།། སེམས་ཀྱི་མཚན་མ
40a6 འདི་ལྟར་ཤེས་པར་བྱ།། རྒྱུ་ནི་ཕ་ཡི་སྲེད་པ་མ་ཡི་ལེན་པའི་རྐྱེན།། གཉིས་འདུས་སེམས་ཀྱི་སྲེད་པ་དེ་ལྟར་ཆགས།། ཆགས་པའི་རྐྱེན་གྱིས་ཚོར་བ་མ་རིག་པ།། ཡིད་དང་རྣམ་ཤེས་དབུགས་དང་བག་ཆགས
iiif viewer powered by OpenSeadragon
