| e-texts navigator |
| Wylie |
3b1 དཔས་ཞུས་པ།། མ་རྟོགས་འཁོར་བ་སྣ་ཚོགས་དེ།། དེ་ཡི་འཁྲུལ་ཚུལ་ཇི་ལྟར་ལགས།། ཞེས་གསོལ་ཏོ།། རིག་པས་བཀའ་སྩལ་པ།། དེ་ཡི་འཁྲུལ་ཚུལ་འདི་ལྟར་ལགས།། རྒྱུད་རྐྱེན་སྟོན་པའི་རྐྱེན་བཞིས
3b2 འཁྲུལ།། དཔེར་ན་རབ་རིབ་མིག་བཞིན་དུ།། མཁའ་ལ་འཇའ་ཚོན་སྐྲ་ཤད་འཛིངས།། མ་སྨིན་ལོག་རྟོག་འཁྲུལ་པ་བྱུང་།། ལྷན་ཅིག་སྐྱེས་གཉིས་དུས་མཚུངས་པར།། སངས་རྒྱས་ཉིད་ལས་སེམས་ཅན་བྱུང་།། ཞེས
3b3 གསུངས་ས།། རྡོ་རྗེ་སེམས་དཔས་གསོལ་བ།། མ་རིག་པ་ཡི་འཁྲུལ་པ་དེ།། གཞི་ལ་ཡོད་དམ་མེད་པ་ལགས།། ཞེས་ཞུས་པ་དང་།། རིག་པས་སྩལ་པ།། དོན་གྱི་ངོ་བོ་འཁྲུལ་མེད་ཀྱང་།། སྣ་ཚོགས་འཛིན་པའི་རྟོག
3b4 པ་བྱུང་།། དཔེར་ན་ཐག་པ་སྦྲུལ་མཐོང་བ།། ཐག་པའི་ངོ་བོ་སྦྲུལ་མེད་ས་ཀྱང་།། རྒྱུ་རྐྱེན་དམིགས་པས་སྦྲུལ་དུ་མཐོང་།། ཞེས་གསུངས་སོ།། རྡོ་རྗེ་སེམས་དཔས་གསོལ་པ།། མ་རིག་པ་ཡི་འཁྲུལ་པ་དེ།། དེ་ཡི་མཚན
3b5 ཉིད་ཇི་ལྟར་ལགས།། བཀའ་སྩལ་པ།། དེ་ཡི་མཚན་ཉིད་གློ་བུར་བ།། དཔེར་ན་མེ་ལོང་གསལ་བ་ལ།། གང་བསྟན་རྐྱེན་དེ་འོང་བར་ངེས།། དེ་བཞིན་རང་གསལ་ཆོས་ཉིད་ལ།། ཡེ་ཤེས་སྣང་བ་གློ་བུར་བ།། བདག
3b6 སྣང་གཞན་སྣང་གཉིས་སྣང་བ།། བདག་འཛིན་འཁྲུལ་པའི་རྟོག་པས་བསླད།། འཛིན་རང་རྒྱུད་དུ་མར་མཐོང་།། ཆོས་ཉིད་ནམ་མཁའ་ལྟ་བུ་ལ།། གློ་བུར་གཟུགས་བརྙན་སྤྲིན་གྱིས་བསྒྲིབས།། ཆོས་ཉིད་འབབ་ཆུ་ལྟ།
iiif viewer powered by OpenSeadragon
