| e-texts navigator |
| Wylie |
39b1 བས།། ཤིང་མ་ཟད་ཀྱི་བར་དུ་མེ་མ་ཤི་ཟེར་ཏེ།། དཔེ་དེ་དང་འདྲ་བར།། ཐུགས་རྗེ་གཟུངས་ཀྱི་ཐག་པ་མེ་ལྟ་བུ་དེ།། སྒོམ་མཉམ་པའི་བློ་ལ་ཡར་བཏང་བས།། བློ་མ་ཟད་ཀྱི་བར་དུ་ཡེ་ཤེས་རྟག་ཏུ་འབར་ཏེ།། བློ་ཟད
39b2 པས་ཡེ་ཤེས་ཀྱང་འབར་མ་ནུས་སོ།། ཆོས་རྣམས་རྔ་ལོག་དག་ཏུ་བསྟན་པས་ན།། དཔེ་ཡང་ཛ་ལོག་དག་ཏུ་བསྟན་པ་ནི།། དཔེར་ན་དམྱལ་བའི་གནས་ཆེན་ན།། ལྕགས་ཀྱི་ཁྲོ་ཆུ་ཆེན་པོ་ལ།། ཤིང་གི་གཞི་དག་ག་ལ
39b3 གྲུབ།། ཆུ་ལ་མེ་འབར་ག་ལ་སྲི།། ལྕགས་ཀྱི་ཁྲོ་ཆུ་མེ་རུ་འབར།། ཆུ་ཡིས་མེ་ལ་སྐོལ་བ་མེད།། མེ་སྲིད་དེ་སྲིད་པའི་ཛ་ལོག་ཡིན།། ཀུན་ཏུ་བཟང་པོ་རང་གྲོལ་ཤེས་རབ་སློབ་དཔོན་མེད།། ཅེས་གསུངས
39b4 སོ།། བསྐལ་པ་འོད་ལྡན་གྱི་རྒྱུད་ལས།། ལྷ་སྒོམ་སྤྱོད་པ་ཛ་ལོག་ཏུ་བསྟན་པའི་ལེའུ་སྟེ་བདུན་པའོ།། དེ་ནས་བཀའ་སྩལ་པ།། ཐེག་པ་ཛ་ལོག་བསྟན་པ་ནི།། ཕྱི་ལྟར་བཤད་པ་སེམས་ཀྱི་ཆོས།། རྒྱུ་མཚན་ཉིད་ཀྱི་ཐེག
39b5 པ་དང་།། ནང་ཆོས་ལ་བརྟེན་པའི་ཐེག་པ་དང་།། སྔགས་ཕྱི་བ་ཐུབ་པའི་རྒྱུད།། གསང་བ་ཟབས་ལ་རྟེན།། མ་ཧཱ་ཨ་ནུ་བསྐྱེད་པ་དང་རྫོགས་པའི་ཆོས་ཐམས་ཅད།། ཛ་ལོག་དག་ཏུ་བསྟན་པ་ནི།། འཇུག་པའི་སྒོ་མེད
39b6 མཐོང་ཡུལ་ཀྱང་མེད།། སྒྲུབ་པའི་ཐབས་ལ་མ་བརྟེན་ཏེ།། གྲུབ་པའི་འབྲས་བུ་རང་བྱུང་ཐ་དད་འདོད།། དུས་དང་གནས་སྐབས་དག་གི་འབྲས་བུ་འདོད།། ཡང་དག་དོན་ལས་གོལ་བ་ཡིན།། དེ་ལ་ཛ་ལོག་འདི་ལྟ
iiif viewer powered by OpenSeadragon
