| e-texts navigator |
| Wylie |
39a1 ལྟ་བ་ཡིན་པར་བཤད།། རང་བཞིན་མི་འགྱུར་ངོ་བོ་གསལ།། རྒྱུ་རྐྱེན་མེད་པའི་དོན་དེ་ནི།། གསང་བའི་ལྟ་བ་ཛ་ལོག་ཡིན།། ཀུན་ཏུ་བཟང་པོའི་ལྟ་བ་ནི།། ཤེས་བྱ་གཤིས་ཀྱི་འདུག་ཚུགས་ལ།། རྒྱ
39a2 ཆད་ཕྱོགས་ཞེན་རང་གྲོལ་ཏེ།། ཐིག་ལེ་ཁྱབ་བདལ་ཆེན་པོ་ཡིན།། ཞེས་གསུངས་སོ།། བསྐལ་པ་འོད་གྱི་རྒྱུ་ལས།། ལྟ་བ་ཛ་ལོག་ཏུ་བསྟན་པའི་ལེའུ་སྟེ་དྲུག་པའོ།། ཡང་བཀའ་སྩལ་པ།། སྒོམ་པ་ཛ་ལོག་བསྟན་པ
39a3 ནི།། སེམས་ཀྱིས་སེམས་ལ་ལྟ་བ་དང་།། གཉེན་པོས་ཆགས་སྡང་འགེགས་པ་དང་།། མི་གཙང་རུས་ཐིག་ལ་སོགས་པ།། གཉེན་པོ་རྟེན་ནས་སྒོམ་པ་ནི།། ཕྱི་ཡི་སྒོམ་པར་ཤེས་པར་བྱ།། རྩ་རླུང་ཐིག་ལེ་འབེབས་པ
39a4 དང་།། རིག་མ་དངོས་དང་འོད་ཀྱི་རིག། རང་ལུས་ཐབས་སུ་སྒོམ་པ་དང་།། གཏུམ་མོ་སྦྱོར་བ་རླུང་གི་ལས།། གསང་བའི་སྒོམ་པར་ཤེས་པར་བྱ།། ལྷ་དང་ལྷ་མོ་སྒོམ་པ་དང་།། ཡི་གེ་འཕྲོ་འདུའི་སྒོམ་པ་ནི།། ནང་གི
39a5 སྒོམ་པ་ཡིན་པར་བསྟན།། སྒོམ་པ་ཛ་ལོག་འདི་ལྟ་སྟེ།། འགྱུ་བ་ཕྱོགས་མེད་འགྲོ་འོང་ལ།། ཐུགས་རྗེ་གཟུངས་ཀྱི་ཐག་པ་ཡིན།། རྟེན་གྱིས་འཐེན་པའི་རྟེན་སྒོམ་དང་།། རྩེན་རྟེར་ལྟས་པའི་ལྟ་སྒོམ་ནི།། ཀོར་ཀོར་སྐོང
39a6 པའི་སྟེང་སྒོམ་ནི།། ཐམས་ཅད་ལམ་དུ་བྱས་འགྱུར་ན།། སྒོམ་པ་མ་ཡིན་ཡེ་ཤེས་ཡིན།། ཡེ་ཤེས་བློ་ལས་འདས་པ་དེ།། འཆར་རམ་མི་འཆར་བལྟས་པས་ཆག། དེ་ཡང་དཔེར་ན་ཙན་དན་གྱི་ནགས་ཚལ་མེ་སྦར
iiif viewer powered by OpenSeadragon
