| e-texts navigator |
| Wylie |
37a1 ལས།། བརྟ་བསྟན་པའི་ལེའུ་སྟེ་བཅུ་པའོ།། ། དེ་ནས་བྱང་ཆུབ་སེམས་དཔའ་རབ་རྡོ་རྗེས་མཁའ་འགྲོ་མ་རྣམས་ལ།། ངའི་རྒྱུ་འདི་ཐམས་ཅད་གསལ་བའི་རྒྱུད་དུ་ཟུང་།། སྣང་བཟང་ཐལ
37a2 འཛིན་པ་བྱང་ཆུབ་སེམས་དཔའི་དགོངས་པ་སྟོན།། དགོངས་པ་འདུས་པའི་རྒྱུད་དུ་བཟུང་།། བར་དོའི་གདམས་ངག་སྟོན་པ་ལ།། འདའ་ཀ་འཆི་བྲོད་རྒྱུད་དུ་བཟུང་།། སྣང་བ་ཟང་ཐལ།། འཛིན་པ་རང
37a3 གྲོལ།། སེམས་རང་གྲོལ་ཡེ་ཤེས་རང་འབར།། སྐུ་གསུམ་ཐུག་ཕྲད།། ཡེ་ཤེས་རང་སྣང་།། མངལ་ཁ་རྒྱས་འདེབས།། འཁོར་བ་དོང་སྤྲུགས།། སྲིད་གསུམ་རྣམ་དག། ཁམས་གསུམ་ཡོངས་སྒྲོལ་གྱི་རྒྱུད་གསུངས
37a4 པས།། རྡོ་རྗེ་མཁའ་འགྲོ་མ་རྣམས་རྗེས་སུ་ཡི་རངས་སོ།། རྫོགས་སོ།། @#།། རྒྱ་གར་སྐད་དུ།། ཀ་ཡ་ཏྲི་དེ་ཀལྤ་པྲ་བྷ་ཏནྟ།། བོད་སྐད་དུ།། སྐུ་གསུམ་ཛ་ལོག་བསྐལ་པ་འོད་ལྡན་གྱི་རྒུད།། བཅོམ
37a5 ལྡན་འདས་རང་སྣང་དག་པའི་རྒྱལ་པོ་ལ་ཕྱག་འཚལ་ལོ།། འདི་སྐད་བདག་གིས་བཤད་པའི་དུས་གཅིག་ན།། མཁའ་འགྲོ་ཉེ་བར་ཞི་བ་དང་།། གསང་བའི་བདག་པོ་དང་།། ཕྱག་ན་རྡོ་རྗེ་ལ་སོགས་རྣམས་ཀྱིས
37a6 བསྐོར་རོ།། རང་སྣང་རྣམ་དག་པདྨ་བརྩེགས་པའི་གདན་ལ་ཞུགས་ཏེ།། སྣང་བ་ཐམས་ཅད་ཀྱང་རྣམ་དག་རང་སྣང་གི་མཁའ།། ནམ་མཁའ་ལྟ་བུ་རྒྱ་ཡོངས་ཆད་པ།། ཕྱི་ནང་མེད་པའི་གནས་ཆེན་པོ་པདྨ་བརྡལ་བའི
iiif viewer powered by OpenSeadragon
